(AP) – Francia a mira su Prome Minister di mas hoben y e prome abiertamente homosexual diamars mientras preisdent Emmanuel Macron ta busca un comienso fresco pa e resto di su termino den medio di presion politico den aumento.
Gabriel Attak, di 34 aña, a cuminsa genera notoriedad como e vocero di gobierno, despues como Minister di Educacion y a termina como e minister mas popular di e ultimo gobierno. E ex prome minister a retira dialuna despues di problemanan politico a causa di leynan di inmigracion cu ta fortalece e gobierno su habilidad di deporta e stranheronan. Macron lo traha hunto cu Attal pa nombra un gabinete nobo den e dianan binidero, aunke algun minister clave ta anticipa di permanece den e gobierno.
“Mi sa mi por conta riba bo energia y compromiso,” Macron a publica riba X den un mensahe dirigi na Attal. E president a haci referencia na Attal den ricibi e spirito di aña 2017,” ora cu Macron a cambia politica y a logra un victoria cu a sorprende, marcando historia como e president mas hoben cu Francia a yega di tin, cu un plataforma centra riba negoshi cu e meta di rebiba un di e economianan mas grandi den mundo.
Durante e ceremonia, Attal a bisa cu “mi por lesa y tende; E President mas hoben den historia ta nombra e Prome Minister mas hoben den historia. Mi kier mira esaki como un simbolo di fortalesa y avance. Tambe y posiblemente mas cu tur cos, un simbolo di confiansa den hende hoben.” Attal a bisa cu su metanan ta inclui un haci siguridad un “prioridad absoluto” y promove balornan di “autoridad y respet pa otronan.” Tambe el a compromete di fortalece servicionan publico incluyendo scolnan y sistemanan di salud, pushando pa un “miho control riba inmigracion.”
E president su di dos termino ta caba na aña 2027 y constitucionalmente e no por sinta pa un tercer termino consecutivo. Observadornan politico a sugeri cu Macron kier pa su gobierno prepara pa juni su eleccionnan Europeo, unda populistanan di Union Europeo ta anticipa di aumenta nan influencia.
