(NLTimes) – Ministerio di Salud lo inverti 670 miyon euro te cu aña 2026 pa mehora e preparacion pa pandemianan nobo, pa motibo cu e strategia durante e pandemia di coronavirus no tabata suficiente.

E Gabinete a keda di acuerdo tocante esaki riba diabierna, Minister di Salud Ernst Kuipers a skirbi den un carta na Tweede Kamer.

Di e placa aki, un total di 74 miyon euro lo bay na GGD su sucursalnan di salud publico durante e siguiente 2 aña. Esaki lo ta pa invrsion den training y mehoracion di e experticio di e empleadonan di GGD. “Di e manera aki, e calidad y profesionalismo di e empleadonan pa control di malesanan infeccioso ta keda manteni,” Kuipers a bisa.

Durante e siguiente 3 aña, un total di 48 miyon euro lo ser dedica pa miho sistemanan di IT, provision di informacion y compartimento di data entre e partidonan directamente envolvi den e prevencion y control di un pandemia, manera National Institute for Public Health and the Environment (RIVM), GGD y e organisacion cu ta maneha nan, GGD GHOR. Nederland.

“Durante e pandemia, rapidamente el a keda cla cu e provision di informacion existente no ta bon ekipa pa e control di e pandemia,” Kuipers a splica.

Un suma di 9 miyon extra lo ser haci disponibel proximo aña pa e establecimento di National Infection Control Functionality (LFI). E cantidad aki ta agrega un biaha mas na e cantidad anual di budget di 10 miyon euro cual tambe ta pa e proposito aki. LFI mester tuma e rol coordinador for di e mita di aña 2023, den e evento di un pandemia andando of nobo. “Por ehempel, den temponan di crisis, un maneho decisivo por ser conduci, cu mas maneho central di Minister di Salud, Bienestar y Deporte,” e Minister di salud a comenta.

Esfuersonan continuo tambe ta ser haci la loke ta trata e habilidad di e sistema di cuido di salud den aumenta e escala den bista di un crisis nobo. Por ehempel, dokternan adicional por ricibi training den control di malesa infeccioso y inversionnan pro ser haci pa mehora e conocemento y training di personal den cuido di salud.

Atencion tmabe lo ser presta na tin suficiente producto medico disponibel durante un crisis. Na comienso di e crisis di coronavirus, tabatin un escasez di tapaboca y otro articulonan medico pa empleadonan di cuido di salud, entre otro articulonan di proteccion. Esaki ta rekeri cooperacion ambos nacionalmente y internacionalmente.

E Ministerio a haci e plannan aki despues di varios investigacion critico y un dispositivo for di Dutch Safety Board, e Cientific Council for Government Policy y otro organisacionnan. E Ministerio id Salud a siña lesnan for di estudionan aki, Kuipers a skirbi.