(NLTimes) – Fabricante di medicamento generico na Leiden yama InnoGenerics ta tira culpa pa cu su estado di bancarota riba e Ministerio di Salud Publico pa motibo cu nan no a cumpli cu nan promesa di motiva seguronan di salud cumpra mas medicamento na Hulanda mes.
Pa motibo cu InnoGenerics practicamente no tabatin orden for di seguronan Hulandes, e fabrica tabata opera solamente na 25 porciento di su capacidad aña pasa, director y co-doño Lucas Jan Wiarda a conta Financieele Daglbad. “Cera e fabrica aki no lo tabata necesario si e Ministerio lo a cumpli cu e acuerdonan. Nan tabata esencial,” Wiarda a splica.
Segun Wiarda, ora cu InnoGenerics tbata den problema den december 2020, e Ministerio a priminti cu nan lo motiva seguronan di salud pa cumpra mas medicamento “cerca di cas.” E acuerdo tabatin e meta di mantene Hulanda su farmaceuticonan saludabel y den funcion mientras tambe ta reduci e dependencia riba medicamento for di India y China.
Segun un reportahe di e combersacion entre InnoGenerics y oficialnan top di e Ministerionan di Salud Publico y asuntonan economico, un oficial di salud publico a bisa cu e “prijs mas abao no lo ta e competidor lider mas” pa e seguronan di salud. Den e dialogonan aki, e oficial top Marcel van raaij di Salud Publico a sigura InnoGenerics cu lo e disponibilidad y e gana tabata disponibel pa cumpra mas medicamento na hulanda, FD a skirbi.
Pero esaki no a tuma luga segun Wiarda. Ora di selecta, e seguronan a scoge basa riba e prijs mas abao, “a trata di placa,” Wiarda a expresa, agregando cu si e “fabrica lo a por funciona riba mita di su capacidad, ya caba nos lo a yega un punto di ganashi.”
Vocero pa Ministerio di Salud Publico a conta FD cu nan ta primnti solamente pa enfatisa e importancia di menos dependencia riba fabricantenan den stranhero na e seguronan di salud. “Un promesa pa cumpra medicamento for di fabricantenan cerca di cas nunca a ser haci na InnoGenerics. E ta keda den man di e seguronan pa determina cua criterio nan lo usa.”
