(CuraçaoChronicle) – Gabinete Pisas a bolbe haya su mayoria den parlamento despues di e retiro di Partido Nashonal di Pueblo (PNP) for di e coalicion. Apesar di PNP su salida, e gobierno tabatin sosten crucial di e fraccion di un miembro KEM y parlamentario independiente Zita Jesus-Leito.
Presidente di MFK y Minister di Educacion Sithree van Heydoorn a confirma cu un acuerdo a ser yega cu ambos parlamentario. Cu e aliansa nobo aki, e coalicion awo ta disfruta di sosten di 11 miembro den parlamento di Corsou, garantisando un mayoria y e continuacion di e gobierno.
Van Heydoorn a clarifica cu e desaroyo aki no ta marca e formacion di un “Gabinete Pisas III” sino un restructuracion di e administracion actual. E coalicion, awo incluyendo KEM y Jesus-Leito tin plan di goberna pa e resto di e 7 lunanan te cu e eleccion cu lo tuma luga den maart proximo aña.
E proximo paso pa e coalicion nobo ta di nomina e candidatonan ministerial pa pasa door di e proceso oficial di screening. Mientras cu van Heydoorn no a revela detayenan specifico tocante e tareanan di e portfolio, fuentenan ta sugeri cu KEM por ser otorga Ministerio di Desaroyo Social, Labor y Bienestar (SOAW) y Jesus-Leito por tuma e Ministerio di Desaroyo Economico (MEO).
E confirmacion di e posicionnan aki y e aprobacion di e ministernan nobo lo ta critico pa e operacion di e gabinete den e lunanan binidero.
