(CuracaoChronicle) – No tin candidato actual pa e puesto ministerial tanto den Desaroyo Economico como Husticia den e propuesta di gabinete di Pisas na Corsou. E team nobo di gobierno di MFK y PNP pa e motibo aki lo cuminsa inicialmente cu 7 minister.
Esaki segun fuentenan cercano na e formacion di gabinete. Ya tabata acorda cu MFK lo ricibi 6 puesto ministerial y PNP lo ricibi 3. Pero Eduard Braam, candidato di MFK pa Husticia, a retira siman pasa y den e mesun siman tambe a keda anuncia cu miembro di PNP, Ramon Chong, candidato pa Desaroyo Economico no lo pasa screening. Pa e motibonan aki e partidonan mester busca 2 candidato nobo.
Ainda no ta conoci ken e candidatonan nobo ta. Tin algun nomber ta menciona, pero no tin nominacion oficial ainda. Ta spera cu Gilmar ‘Pik’ Pisas, ademas di su posicion como premier, temporalmente lo actua tambe como minister di Husticia.
E reporte final di formateur Chester Peterson awo ta cla, pero ainda mester wordo entrega na Gobernador di Corsou. E partidonan di coalicion ta tene cuenta cu esaki lo pasa a corto plaso. “Pa fin di siman aki, o lo mas tarda proximo dialuna, e team ministerial nobo lo wordo huramenta pa Gobernador.”
