(NLTimes) – Pa prome biaha gabinete lo entrega un permiso cu lo permiti un shelter pa solicitantenan di asilo sin cu mester un acuerdo cu e municipalidad.
Esaki ta trata Landhotel ‘t Elshuys na Albergen den e municipalidad di Tubbergen. Secretario di Estado Eric van der Burg di asilo a bisa parlamento cu nan consultanan cu e municipalidad no a yega na un acuerdo te ainda. E municipalidad di Tubbergen no ta contento, e vocero a bisa. Centenares di persona a protesta pafo di e hotel riba diamars anochi.
Gabinete a pasa door di cabes di e municipalidad pa medio di duna permiso na Central Agency for the Reception of Asylum Seekers (COA) pa ricibi e solicitantenan di asilo aki na e otel. E hotel actualmente por acomoda 80 persona. COA ta pensa cu tin potencial pa acomoda mas o menos 300 persona. COA ya caba a cumpra e hotel.
Exactamente un siman pasa, Van der Burg a anuncia cu Gabinete lo “forsa municipalidad” si nan no kier otorga e permiso pa designa un edificio pa e recepcion di e solicitantennan en cuestion. El a haci esaki awo. Tubbergen no kier cambia e designacion di e hotel. Gobierno lo haci esaki pa medio di un permiso ambiental.
“E necesidad di crea mas espacio ta asina grandi cu Gabinete a dicidi di tuma un paso excepcional,” Secretario di Estado a bisa den un carta na parlamento.
