(NLTimes) – E decision di Gabinete di Hulanda por impone un minimo di 10 porciento den disminucion di e cantidad di vuelo permiti na Schiphol Airport, fuentenan cercano na e gobierno a conta De Telegraaf riba diahuebs.

E proposito no ta solamente pa resolve e problema di fluho excesivo di personan a e aeropuerto mientras Schiphol ta sigui sufri di escasez di empleado, sino tambe pa causa di e polucion causa pa e aeropuerto y avionnan, ademas di e necesidad pa permisonan nobo relaciona cu naturalesa. Gabinete tambe kier provee mas alivio pa residentenan den e area cu ta sufri di zonidonan excesivo.

E aeropuerto ta permiti un maximo di por lo menos 500,000 buelo pa aña, aunke esaki abata solamente 280,500 den 2021 y 236,000 e aña anterior pa causa di e pandemia di coronavirus, segun data di Statistics Nederland. Durante e prome 4 lunanan di e aña, e aeropuerto a mira un aumento grandi den vuelonan cu mas di 114,000 vuelo. Entre januari y april 2021, e cantidad total di vuelo na Schiphol tabata bao di 51,500.

Schiphol Airport tin mester di permisonan di naturalesa nobo cu lo rekeri e aeropuerto cumpli cu e standard nobo di emision di nitrogen. E aeropuerto su aplicacion pa e permiso tambe a keda desafia pa e gruponan cu ta boga pa medio ambiente. Residentenan di e area tin hopi tempo caba ta expresa preocupacion pa cu e consecuencianan na nan salud causa pa e polucion di e airport, ademas di e zonido genera pa e aeropuerto su operacionnan. Cambia e vuelonan na diferente areanan por reduci e polucion pa algun, sinembargo esaki lo pusha e problema na otro comunidadnan.

E cantidad di vuelonan permiti na e aeropuerto por disminui cu 80,000 pa aña, e fuente a conta e corant. E disminucion aki ta hopi probabel di ta un medida pa tempo largo, aunke e por causa problemanan politico cu e partidonan cu ta pro-negoshi, specificamente VVD. Ambos Prome Minister Mark Rutte y Mark Harbers, Minister di infrastructura y maneho di awa ta miembro di VVD. Implementacion di e disminucion aki na Schiphol ta parti di e portfolio cu Harbers ta maneha.

Harbers ta consultando cu fraccionnan politico di Tweede Kamer tocante e problema, De Telegraaf a reporta. Un decision pa disminui e operacionnan di vuelo ta hopi probabel di sali prome cu e siguiente temporada di vakantie. “E acuerdo di e coalicion ta dicta cu e Gabinete lo tuma un decision e aña aki tocante e futuro di Schiphol. Di e otro banda, esaki ta concerni preserva nos aeropuerto internacional cu un bon red di destinacion mundialmente. Ademas, atencion mester ser presta na e consecuencianan adverso di aviacion den e bisindario di Schiphol. Mi ta trahando riba e tarea aki. E ta algo hopi compleho. Mi lo tuma e cantidad di tempo necesario prome cu tuma un decision,” Harbers a declara na e corant.