FILE - A fuel trucks drives along a highway in Frankfurt, Germany, Jan. 27, 2023. European Union governments tentatively agreed Friday Feb. 3, 2023, to set a $100-per-barrel price cap on sales of Russian diesel to coincide with an EU embargo on the fuel — steps aimed at ending the bloc's energy dependence on Russia and limiting the money Moscow makes to fund its war in Ukraine. (AP Photo/Michael Probst, File)

(AP) — Secretario di Tesoro Mericano, Janet Yellen a bisa ayera cu paisnan industrialisa den Grupo di Siete ta imponiendo un prijs limite riba productonan petrolero refina Ruso, manera diesel y kerosin, como parti di un coalicion cu ta inclui Australia y un acuerdo tentativo di Union Europeo.

E limite ta sigui limitenan di prijs similar imponi riba exportacionnan di petroleo Ruso cu meta pa reduci e recursonan financiero cu presidente Ruso, Vladimir Putin tin pa ehecuta su guera di casi un aña na Ucrania.

Ayera, gobiernonan di UE tentativamente a acorda pa pone un limite di prijs di $100 pa bari riba benta di diesel Ruso pa coincidi cu un embargo di UE riba e fuel. Diplomaticonan representando e 27 gobierno di UE a pone e limite riba diesel, jet fuel y gasolin Ruso prome cu un prohibicion drentando na vigor diadomingo. E tin meta pa reduci entrada di Rusia mientras ta mantene fluho di diesel na paisnan no-occidental pa evita un escasez global cu lo manda prijs y inflacion mas halto.

Detayenan tocante e limite a keda duna pa un declaracion di G7 y diplomaticonan di tres diferente nacion miembro di UE, kende a bay di acuerdo pa discuti e tema anonimamente.

E prijs limite di $100 pa bari ta aplica na diesel Ruso y otro fuel cu ta bende pa mas cu e crudo usa pa traha nan. Oficialnan a acorda un limite di $45 pa bari riba productonan petrolero Ruso cu ta bende pa menos cu e prijs di crudo.

E acuerdo ta sigui un acuerdo di G7 pa limita e prijs di crudo Ruso na $60 pa bari. Tur prijs limite ta enforsa pa un rekisito di e transportistanan mas grandi na mundo basa den occidente y seguronan pa tene na sancionnan y deal cu productonan petrolero solamente na e prijs limite of menos.

Rusia a bisa cu no ta bay bende na paisnan cu cumpli cu e limite, pero pasobra su petroleo ta bendiendo pa menos di $60 pa bari, a sigui core den mercado global. E limite riba prijs ta curasha clientenan no-occidental cu no a prohibi petroleo Ruso pa presiona pa descuento, mientras evasion completo – maske posible – ta trece riesgonan adicional manera organisa tankeronan ilicito.

E embahadornan di e 27 nacion di UE a pone e decision dilanti, y gobiernonan nacional tin te cu awe trempan pa reacciona cu un obhecion por escrito. No tabata spera cambio na e acuerdo.