(CuraçaoChronicle) – Forum voor Democratie (FvD) a pone su mira riba e voto di casi 8mil ciudadano Hulandes na Corsou pa e prome eleccion parlamentario. Esaki ta loke coresponsal di NOS, Dick Drayer a bisa riba NPO Radio1, kende a presencia e reunion politico na Restaurant Rustiq riba dialuna.
FvD kier bira grandi den Senado pa asina blokea e leynan cu a pasa. Pa e motibo aki, e partido ta spera di por haya sosten di pueblo Hulandes den exterior.
Lider di e partido, Thierry Baudet tambe kier pa Corsou bira un zona economico unda entrepreneurnan Hulandes por traha “sin regla.”
Ta prome biaha cu ciudadanonan Hulandes cu no ta biba na Hulanda por influencia e composicion di Senado. Esaki ta posible door di un colegio electoral special pa no-residente. Eleccion ta bay tuma lugar dia 15 di maart.
