Un asunto crucial tocante e debate di e ley di Serlimar tin di haci cu maneho di recoge y procesa sushi, cu tambe tin su efecto riba e futuro di e dump di Parkietenbos.
Segun Director di Serlimar, Hanley Davelaar a declara na prensa, e idea di e dump aki ta cu e lo wordo sanea completamente. Esaki lo sosode na momento cu nan lo yega na e proyecto di incinerator, cu ta otro punto cu ta den discusion. Pero tambe na un sanitary landfill. Aworaki tin dos destaho publico cu ta tumando luga, un pa incinerator grandi, otro pa e sanitary landfill y otro pa e saneamento di Parkietenbos.
Segun Davelaar, unabes cu e dump ta wordo sanea, bo por pensa cu den futuro e sitio aki, un fuente di polucion y discusion, lo por bira un parke solar. Of tambe un parke recreativo y deportivo den cual simplemente gewoon e hendenan por cana y tambe ehercita nan mes fisicamente. Tur esey lo ta e siguiente fase ora cu e incinerator ta den operacion y tambe sanitary landfill.
Tanten, despues di e debate cu a tuma luga diaranson ultimo den sala di parlamento riba e controversial cambio den e ley di Serlimar, tin un expectativa grandi riba e continuacion di dje. E dia ey te anochi laat e parlamentarionan di e diferente fraccion a keda discuti rond di e cambio di ley aki, cu consecuencia cu e segundo tanda a keda posponi. A wordo notifica cu e reunion ta keda posponi te proximo aviso, pero tin indicacion cu e lo continua dia 15 di october awor.
