Futura Aruba Innovation Lab ta e fundacion cu ta hiba e plan di innovacion di gobierno. Nan a realisa cantidad di proyecto pa compania na Aruba y aki bou ta conta un tiki di plan cu nan tin pa aña 2020.
Jefryene Dijkhoff a splica cu Aruba Futura Foundation ta pa tur hende di tur edad. Nan a yega di haci proyecto pa muchanan manera e ‘inovation camp’ di tur aña. Un campamento pa muchanan cu ta riba vakantie di scol y ta haya oportunidad di siña diferente cos manera coding, 3D printing y mas. Tambe nan ta siña tocante e mundo digital, con nan por deal cu e mundo ey. E parti di recycle cu ta importante ta siña nan.
Dijkhof ta splica Futura a keda funda na mei di 2018. For di 2019 nan a realisa 40 proyecto y tin mas na caminda.
Un proyecto cu ta conoci ta e ‘Mo-B bus di biblioteca’ cu nan a transforma den bus cu ta brinda informacion di tecnologia den esiglo 21. Pa e aña aki Futura lo ta presentando un proyecto nobo pa sigui involucra comunidad den innovacion.
Amedee Wever a comparti cu tin proyecto ‘100 innovacions’ pa tur hende. “Nos a bin cu e meta pa fin di aña 2020 nos lo kier pa pueblo presenta 100 idea, cu nos lo yuda implementa.”
Segun Wever, pa e ultimo dos aña nan a wak cu tin hopi hende activo y nan tin varios idea. Pa e motibo aki, nan ta bisa pa tur hende cu tin un idea, crea un programa pa asina por pitch na nan.
Di e forma aki ta haya tip pa algo cu nan por haci miho pa Aruba, cualkier persona tin chens pa participa. E final di e concurso lo tuma luga durante e Immerse Aruba Innovation Week, cu lo tin un premio pa yuda implementa idea.
A puntra Wever ki tipo di idea esaki ta nifica y pa cua grupo esaki ta conta. Wever ta contesta cu nan obhetivo ta tur hende di Aruba cuminsando cu 15 aña di edad. Nan tin experiencia caba den nan campamento innovacion cu tin briyante idea.
“E ta pa 15 aña di bay ariba, si tin mucha cu ta abou di 15 aña por inscribi si tin un mayor of un guardian pa inscribi. Pero enfasis pa hende grandi. No ta mucho grandi pa innova nunca. Pues si tin un bon idea por presenta”, Wever ta amplia.
Locual nan ta bay haci ta categorisa den tres tema. E prome ta ‘planeta’, pues si un hende presenta un idea pa mehora e medio ambiente of si tin solucion cu nan por haci pa naturalesa, esaki ta cay bou categoria ‘planeta’..
E di dos categoria ta ‘hende’. Si tin un persona cu ta miho pa nan comunidad. Nan por mehora algo den nan comunidad. E di tres categoria ta cay pa ‘prosperidad’, un idea pa algo economico y cu por yuda diversifica economia of trece mas entrada.
Wever ta splica cu nan tin tur tres tema apart di otro pa depende cua e persona ta sinti su mes mas comodo pa bin cu idea y conhuntamente cu solucion. Ora un persona entrega e idea nan ta drenta den e parti di registracion.
E parti di registracion di ‘planeta’ ta for di 18 maart te cu 1 april cu por aporta nan idea. Nan tin un deskundige (persona cu tin conocemento di medio ambiente) cu ta evalua tur idea cu tin. E top 30 pa 35 lo wordo scogi.
Nan lo atende e tayer cu lo duna pa cultiva nan idea pa algo cu por ta aplicabel pa por implementa pa Aruba. E hoben cu ta interesa por haci esaki y entrega e documento den un forma di ‘plan di negoshi’. Nan lo tin hues cu tin conocemento pa wak idea tambe.
Un ehempel cu Wever a menciona ta den ‘hende’ cu ta pa hoben cu ta bin cu diferente manera pa haci un plan pa enseñanza pa usa tablet of sistema mas digital pa ‘engage’ of conecta miho cu lesa algo den buki, ‘tambe por presenta esaki’
Inscripcion pa e parti di ‘hende’ lo ta den temporada di mei pa juni cu lo por registra pa entrega documento. Cada tema ta den fase y su temporada. E ta bira mas facil pa parti y por deal cu idea y solucion pa planifica miho.
Pa por registra den esun di ‘medio ambiente’ ta entre 18 maart y 1 april via nan website. Pa mas informacion por bay na 100 innovations riba Facebook di Futura. Nan por upload e documentp y aplicacion.
Wever ta splica den caso cu no sa con pa usa of tin mas pregunta semper por yama nan na 582-3030. Por manda nan un e-mail of mensahe riba Facebook, wak hunto stap pa stap y lo yuda cu e proceso di aplica.
Tambe a bisa cu e persona por scoge si ta prefera entrega su idea su so of por haci’e cu grupo, conocinan, colega. E por consisti di maximo 5 persona pa por registra e team. Por bishita na Futuralab.org pa wak ‘locual tin na caminda’. Esaki ta facilidad pa ofrece e plataforma y motivacion pa idea haci e idea.
