Hopi di nos hobennan durante e temporada di vakantie di scol a bay disfruta of biahando of keda den hotel pa descansa y pasa bon. Nos di team di dama Nacional no tin tempo ni gana
p’esey. Nos team dama Nacional a dicidi cu den e temporada aki, na unda hopi hende ta afo of disfrutando di nan vakantie pia riba sofa mirando TV, nos ta riba veld haciendo nos pianan fuerte pa asina prepara pa cualkier team. Durante e temporada dushi aki nos ta birando mas fuerte cu nunca.
Nos coach dinamico tampoco tin vakantie paso e ta mes of mas entusiasma cu nos ainda. Ta comproba cu keda inactivo durante solamente 2 siman ya ta reduci nos estado fisico cu 30%. Esey ta demasiado pa nos perde. Ta p’esey ta miho nos keda activo, pa asina nos ta super bon prepara pa cualkier team cu nos lo enfrenta.Nutricion ta mesun importante cu condicion fisico. Durante vakantie ta masha facil pa exagera den comemento, paso nos tur sa cu durante vakantie cos dushi ta bira e di 4 cuminda di dia. Y esaki ta afecta e funcionamento riba
veld. Otro motibo pakico no tuma vakantie largo, 2 dia liber no ta nada malo, esey ta aceptabel pa nos.
Futbol ta un deporte di team, ta p’esey nos ta uni pa asina nos por enfrenta cualkier team. Nos ta sigui cu nos trainingnan anto sigur pa campeon! Di parti di Bestuur Hubenil di Nacional: Ta hopi bunita pa admira e boluntad y perseverancia di e hobennan aki!
