Basta ciudadano a drumi riba caya diaranson bao di awasero pa reserva un luga pa por
wak e parada pa e funeral di e rey Bhumibol Adulyadej, kende tabata rey na Thailand pa 70 aña.
E ceremonia di cinco dia pa e monarch di mas duradero na mundo lo cuminsa diaranson laat, pero cantidad di hende ta spera di yega diahuebs pa wak e curpa di e rey wordo transporta pa e Royal Crematorium. Bhumidol a muri cu 88 aña di edad riba 13 di october. E rey tabata hopi stima den e pais.
Su funeral lo costa rond 3 biyon Thai baht (90 miyon dollar) anto diahuebs a keda declara un dia nacional pa por duna e hendenan un oportunidad pa despedi di e rey respectivamente. Lo bay tin mas o menos 230,000 oficialnan di polis riba caya pa contene e publico grandi cu nan ta sperando.
