E fundador di Diario Jossy Mansur a fayece. E ultimo añanan e tabata lucha contra cancer y su yiunan a tuma over e corant cu su yiu Jossito na cabes.
Sr. Mansur tabata periodista (famoso di su editorialnan skerpi), comerciante y tambe a skirbi bukinan manera diccionarionan Papiamento – Hulandes y Papiamento – Ingles, y tambe Historia di Aruba. Ademas el a traduci hopi buki clasico manera Robinson Crusoe.
Awe Diario a publica lo siguiente riba nan Facebook:
“Cu profundo tristeza gerencia y staff di Diario ta anuncia fayecimento di nos Director y Fundador Sr. Jossy Mansur. Palabranan di condolencia na famia, amigonan y empleadonan di Matutino Diario.
Cu Jossy sosega na Paz.”
