Un hues na California a ordena detencion di e conoci yoga guru Bikram Choudhury despues cu el a faya di paga $8.7 miyon na un consultante legal despues di un caso di asalto sexual. Choudhury a wordo hiba corte den 2013 door di su consultante legal e tempo ey Minakshi “Mikki” Jafa-Bodden, kende acus’e di asalto sexual. El a bisa cu Choudhury a retir’e for di trabao despues cu el a nenga di sconde algun alegacion cu el a rape un di su studiantenan di yoga.
