Fundacion UHAT (yoU Have A Talent) tin actividad dia 18 october pa busca talento. Nan ta organisa un evento asina pa motibo cu kier duna oportunidad na esunnan di tur edad cu kier mustra y desaroya nan talento.

Tilly Vloor, Presidente di e fundacion a cuminsa splica cu evento riba diabierna, 18 di october, di 8or te cu 11or di anochi lo tin actividad.

UHAT a traha cu hunto cu diferente organisacion cu ta yuda pa yega asina leu y haci actividad na Cas di Cultura. Sound the Alarm Team di Althia do Nascimento-Wilson, Fundacion Baby Zoē di Angela Croes y Fundacion B2L di Roselyn Berlis-Petrochi.

Vloor ta splica cu UHAT ta un organisacion non profit cu ta hopi activo den nos comunidad Arubano. E ta traha riba terenonan specifico di arte visual y arte di tarima. Nan ta sigui curasha e persona cu a bin dilanti cu su talento pa sigui desaroya esaki.

“Tur hende a ricibi por lo menos 1 talento di nan Creador y nos sa cu awor ta e tempo pa explora y siña cua parti di bo caracter ta haci abo ‘bold person’ pa uza loke bo tin aden. Nos tur kier aumenta e libertad den e gruponan di meta pa nan ta mas creativo.”

Den futuro nan lo kier funciona independiente cu e fondo cu a spaar cu diferente eventonan. Pa logra esaki, nan kier haci e grupo di participante activo y pasivo mas grandi cu ta duna danki na nan creador p’e talento y fabor ricibi.

Nan kier move mas den e diferente barionan den Aruba pa haya mas participante den e actividadnan di UHAT. Yuda mas hende desaroya nan talento door di informa participantenan cua ta e posibilidad pa sigui desaroya nan talento. Pa yuda nan pa haci locual nan gusta cu pasion. Tambe aumenta ‘amor pa arte y cultura den nos comunidad’.

Nan ta anima y invita henter pueblo di Aruba pa bay evento y presencia e talento hunto. “Tin teatro, baile, musica, canto y filmacion cu mensahe importante, manera hende cu cierto trauma, dislexia anto cu a sali for di dje y no mester tin miedo p’e.”

Vloor a bisa cu e meta di tur esaki ta pa descubri e talento scondi na Aruba, pasobra ta hopi. “Nos a descubri den 6 aña cu nos a haci evento aki. No ta solamente arte visual y arte riba tarima, canta. Hende descubri ta cerca di otro, canta den grupo, participa den desaroya su talento, varios hoben, varios adulto, muchanan cu ta participa UHAT desaroya talento y pasion.”

Pa tur esunnan cu kier participa, lo tin luga pa 60 persona di 5 aña te cu 100 aña, Vloor a splica. Por cumpra carchi na Plaza Book Store, Almacen Elunid y San Nicolas Citgo Essoville. Tambe por yama na 742-6334/ 564-9733/744-6869/593-6063 pa yama whatsapp y atende pa hiba cas.