E comision organisador di e Song Festival 60+ y su fiesta bailabel di diadomingo 17 di November venidero, a tene reunion siman pasa den preparacion cu e cantantenan pa asina comunica e programa y reglanan pa cu e anochi aki. E aña aki tin 2 cantante invita y 18 participante cu un variacion grandi den cantica y estilo. E banda musical cu lo acompaña e cantantenan ta “Nos cu Nos” bou direccion di Sr. Igor Hasham y Dirigente di Banda y cantantenan ta Sr. Roy Sneek. E otro 2 bandanan musical ta The Kiwanis Band y We & We.
Fundacion Movemento ta Bida ta recorda cu e Song festival ta cuminsa 4:00 te cu 7:00 pm y despues e fiesta bailabel te sigui te cu 10pm. Esaki ta tuma luga na Renaissance Convention Center. Porta ta habri 3pm y nos ta avisa tur persona cu tin carchi di entrada cu riba e mesun atardi aki lo tin actividadnan di Sinterklaas na e Seaport Market Place. Planea pa yega na tempo. Parkeer auto lo bira dificil. Busca un persona pa transporta bo y busca bo of haci carpooling.
E Song Festival aki ta un fundraising anual pa inverti bek den proyectonan di Fundacion Movemento ta bida cu tur aña cu ta ripiti. E grupo di adulto mayor na Aruba ta creciendo enormemente. Por acudi na Cliffix pa cumpra bo carchi na balor di Afl. 35,00 pp. Benta di carchi ta bayendo rapido. Un sala yen ta un recompensa y apoyo grandi pa e cantantenan. Check nos FB page Fundacion Movemiento ta Bida pa keda informa di tur nos eventonan, proyectonan y mucho mas. Pa mas informacion por WhatsApp 592-5433.
