Relaciona cu caso di pedofiel na Aruba, Lissette Gomes di ‘Fundacion Lisette Gomes: Stop Abuso Sexual Di Mucha’, a manda prensa un comunicado na unda ta splica entre otro con ainda ta warda riba respuesta di gobierno despues di 30 dia. Aki bao por lesa e comunicado di Fundacion Lisette Gomes den su mesun palabra nan:
Referiente na e declaración di sr. Minister Paul Croes, Fundacion Lisette Gomes kier a trece lo siguiente pa dilanti. Primeramente nos kier a remarca cu Fundacion Lisette Gomes ta wardando ainda ariba un reacción por escrito di sr. Minister Paul Croes pero tambe di e Presidente de Parlamento di Aruba. Parlamento di Aruba ta e órgano máximo cu por exigi di un minister pa e atende un problemática mas liher cu ta posibel, vooral si e tópico ta uno delicado pero sumamente urgente. Lamentablemente Fundacion Lisette Gomes mester a tende via medionan di comunicación e declaración di sr. Minister Paul Croes. Nos ta expresa e speransa cu ainda e caminda di dialoga cu e sr. Minister ta habri y cu pronto nos lo risibi por escrito su puntonan di vista pero tambe su plan di acción.
Si Minister Paul Croes a lesa e manifiesto, e lo a ripara cu na ningun momento a menciona meldpunt ariba e manifiesto. Locual cu Fundacion a puntra y pidi den e reunion di Parlamento (como aanvullend)dia 3 di Meiultimo, taover di un meldcode, cu si e lo wordointroduci y si ta asina con leu nantacuesaki.
Ta di lamenta cuMinister Paul Croes no a tuma ni sikiera un tempo pa lesa e manifiesto y mucho menos pacontact e Fundacionpa asina sinta na mesa pa asina nos trese nos preocupacionnanpa e por comprende na unda nos kierjegacuesaki.
E manifiesto su deadline tawata dia 27 di Mei ultimo, Fundacion a sinta un paar di dia despues cu a entrega esaki cu comicion Husticia y tambe cu comicion Social di Parlamento. Asinta tambe cu Minister di Husticia Sr. Arthur Dowers, den e mesun reunión aki Hoofd Officier y Voogdijraad tambe tawata presente.
Dia 25 di Mei 2016 nos a entrega un carta pa Minister Paul Coesvia B.I.D., mirando cu e 30 dianan ta pasando y nos no a ricibi ningun reaccion di su persona. 30 dia a pasa y cu un extra invitación via un carta Minister Paul Croes no a reacciona. Awor den su entrevista e ta menciona cu en berdad mester bin cierto cambio nan den ley y den e sistema, pero esaki a wordo declara caba den su rapport di aña 2010 caminda e tawata lider di e comicion special cu a lanta despues di a entrega e manifiesto. Fundacion Lisette Gomes no ta bay para keto tanten cu no mira cambio pa cu e problematica aki, vooral e den e sistema. Nos ta di opinión cu ponemento di puntonan den un rapport ta interesante, pero e implementación, guía y follow up ta di mas importancia pa por garantisa cu e rapport tin su efectividad.
No ta intencion di e Fundacion pa critika y/of punta dede ariba ningún instancia y/of persona, pero si nos a manifesta nos mes mustrando kico ta e problema nan cu tin actualmente cual ta hasi cu un Meld code ta importante pa Aruba. Pa asina aki nos tin mara na ley con e sistema tin cu funciona pa asina no tin mas buraco manera cu tin aworaki y pa mas cu 6 aña caba.
E no por ta asina cu después di 6 aña cu a entrega un manifiesto cu casi mesun puntonan di esuncu a wordo entrega e aña aki, y te ainda mayor nan tin cu cana un caminda di cruz pa asina por haña e atencion debido. Ta di lamenta cu te hasta tin mayornan cuta cansa di wordo manda di un lugar pa otro y ta prefera di no entrega keho y/of busca ayudo pa e yiu of yiunan. Mayornan ta jega Poli cu nan yiu cu a wordo abusa y no ta wordo atendi y ta wordo manda Huisdokter. Esaki ta djies pa ilustra con e sistema ta aworaki caminda cu ta pone cu prueba nan ta wordo perdi.
Hulanda ya pa varios aña caba a introduci un meldcode, BES Eilanden tambe ta bezig ta introduci esaki dentro di poco. E pregunta ta pakico Aruba no ta asina leu? Acaso tin prioridad nan robes ariba nos Pais? Pa tur hende comprende Kiko un meldcode ta Fundacion kier a informa lo siguiente:
Un meldcode kindermisbruik/ maltrato/abuso di mucha taun plan/ code na unda e proceso di ayudo tawordo exactamente describi ki ora, y con un profesional tin cu hasi ora un persona tin sospecho of ta kere firmemente cu un mucha a wordo abusa di dje físicamente.
E plan akita ensera:
- Senjalamento di e problema
- Communicacion entre e diferente instancianan/intercambio di información tokante di e caso (nan)
- Combersacioncu e victima/cliente
- Midimento di e riesgo paripiticion, e tipo y gravedad di e maltrato/abuso
- Coordinación di e pasonan pa tuma jurídicamente, socialmente y e parti di salud mental y fysico di e mucha
- E fase di tumamento di decisión rápido cu único metanan: protección y cuido di e mucha abusa, e detención di e sospechoso, y e opvang di esnan afecta.
Ta di suma importancia tambe pa delinea den e proceso pa cada situación con largo e parti di investigación policial/judicial, e proceso medico y e proceso di ayudo emocional/social/psychologico mester dura.
Fundacion Lisette Gomes a constata cu tur e area nan ariba mensiona na e momentonan aki no ta funcionando pa cual ta urgi sr. Minister Paul Croes pa implementa e meldcode mas pronto cutaposibel, den bon comunicación cu sr. Minister di Husticia y sr. Minister di Salubridad.
