Durante un bunita encuentro den Neptali Henriquez Park unda algun muchanan di scol Reina Beatrix y St Paulus school y den presencia di S.K.H. Prinses Beatrix, patrona di Jantje Beton, a anuncia cu fundacion Jantje Beton lo ricibi un aporte di 1,5 miyon for di Postcode Loterij pa realisa 6 speeltuin pa islanan Caribense den Reino.

Den e ultimo añanan, Jantje Beton a constatá cu tin poco atencion den e paisnan Caribense Hulandes, riba espacio pa recrea, no tin bon lugánan di hunga cu ta duna oportunidadnan óptimal pa muchanan recrea. E espacionan di hunga cu tin, hopi di nan ta descuida, nan ta hopi bez abandoná y insigur pa e muchanan hunga.

Den colaboracion cu Ministerio di Salud, Bienestar y Deporte (VWS), Jantje Beton a construi un parke di hunga nobo na Boneiro. Tambe ta trahando riba dos otro speeltuin mas na Boneiro, mesun cos ta construyendo un speeltuin na Saba y na Sint Eustatius.

Na principio di e aña aki, CEDE ARUBA a financia un proyecto pa realisa un speelscan pa Aruba. Esaki a wordo haci pa representantenan di Jantje Beton. E resultado di esaki tambe a aporta na Fundacion Jantje Beton pa por presenta un peticion exitoso na Postcode loterij, solicitando pa un aporte adicional di 1,5 miyon euro pa construi seis otro luga di hunga, cual dos luga di hunga nobo lo wordo construi na Aruba.

Durante e trabounan haci a keda encanta cu Neptali Henriquez Park cu ta un bon ehempel pa e islanan Caribense, di con por duna muchanan un oportunidad y espacio pa hunga y recrea. Boluntarionan y diferente instancianan (service clubs) local cu ta dedica nan mes na pone atencion riba mantencion unda ta necesario, Tambe cu posibilidad den renobacion y expansion. E speeltuin ta cumpli cu e exigencianan di seguridad pa laga muchanan hunga safe. Neptali Henriquez Park ta un ehempel pa otro speeltuinan y esaki ta duna Jantje Beton e inspiracion pa nan construi mas speeltuin na Aruba y drenta den un convenio hunto cu CEDE ARUBA pa realisa e proyecto aki.

Durante e bishita di Prinses Beatrix na Neptali Henriquez, director di fundacion Jantje Beton, Dave Ensberg-Kleijkers a anuncia e bon noticia. Participando cu fundacion Jantje Beton a ricibi un aporte di 1,5 miyon euro for di Postcode Loterij pa realisa seis speeltuin extra riba e islanan. Dave Ensberg-Kleijkers, director di Jantje Beton: “Nos ta sumamente agradecido pa e contribucion bunita aki cu nos ta ricibi danki na e participantenan di Postcode Loterij. Ta un placer di por a anuncia e bon noticia aki na Aruba, den presencia di nos patrona Prinses Beatrix. Nos ta para pa e idea cu ‘Tur mucha mester por hunga tur dia den aire liber den e parti Caribense di nos Reino nos ta haci esaki posibel. Den colaboracion cu organisacionnan social local, gobiernonan y comercio, nos ta haciendo tur cos pa realisa esaki awe mes!”

Managing Director di Postcode Loterij Jonne Arnoldussen: “Recreacion den aire liber ta importante pa e desaroyo y bienestar di nos muchanan. Un luga unda cu ta atractivo y safe pa e muchanan por hunga. Sinembargo, tanto na Hulanda como den e parti Caribense di nos Reino, no ta tur ora cu muchanan tin un luga di hunga manera esaki den of cerca di nan bario.

Afortunadamente Fundacion Jantje Beton tanto na Hulanda como den reino Hulandes Caribense ta activo pa asina yuda den analisa y contribui pa yuda construi diferente speeltuin pa nos muchanan. Nos ta hopi contento cu e contribucion di nos participantenan, danki na nan nos por haci e proyectonan aki posible.

Over de Jantje Beton

Jantje Beton ta e organisacion benefico cu ta traha cu mucha desde 1968 pa ofrece nan cada biaha mas espacio di wega desafiante y mas oportunidad pa hunga. Muchanan no ta hunga suficientemente den aire liber. Nos ta coriendo e peliger di perde un generacion pa motibo di “sinta paden,” mientras cu hunga pafo ta e parti mas importante y dibertido di un bida saludable.

Jantje Beton, hunto cu otronan, ta trana incansablemente pa crea mas parke infantil unda tur mucha por hunga awe pa un generacion feliz y saludable mañan. P’esey Jantje Beton ta bisa… “Tur mucha mester por hunga den aire liber, tur dia!” Pa mas informacion, bishita www.jantjebeton.nl