(NLTimes) – E fundacion Hulandes Stichting Data Bescherming Nederland (SDBN) ta demandando gigante den software di computer Adobe, acusando cu e compania secretamente ta colecta y comparti data personal di miyones ciudadano Hulandes cu companianan den e mercado di avisonan digital.
E fundacion a exigi pa Adobe para e practicanan aki y compensa e ciudadanonan Hulandes involucra pa cualkier daño.
Adobe ta acusa di pone ‘cookies’ riba websitenan incluyendo esun di KPN, TUI, Douglas y Belastingdienst. E compania Mericano aparentemente tambe ta colecta data persona via aplicacionnan mobil manera Marktplaats, Buienradar y Ziggo GO. Segun e acusacionnan e ta haci esaki sin e consentimento necesario, algun biaha poniendo ‘cookies’ hasta prome cu e usuarionan a tuma e decision di permiti esaki. Segun SDBN, Adobe ta crea perfil di e usuarionan for di e data colecta y ta comparti esaki cu otro partidonan. E fundacion a adverti di varios riesgo asocia cu e practica aki, incluyendo fraude di identidad potencial y a acusa cu Adobe ta gana un cantidad di placa significante via e actividadnan aki.
“E mercado dudoso di colecta y trafica data personal ta den violacion di GDPR. Esaki mester stop,” Ruhaak a expresa. Segun su persona, intentonan di contacta Adobe no tabatin hopi fruto, causando cu e fundacion mester a tuma accion legal. E fundacion te ainda mester specifica e cantidad di compensacion cu nan ta busca for di Adobe pa e supuesto victimanan. SDBN tin e meta di sigura cu companianan di tecnologia grandi lo respesta di miho manera e privacidad online di e ciudadanonan Hulandes. Anteriormente, e organisacion a tuma accion legal similar contra companianan manera X y Amazon.
Den su respuesta, Adobe a declara cu e acusacion en masa ta basa riba un confusion y a nenga e acusacionnan di violacion di privacidad. Adobe a declara cu ta e cliente su propio website cu ta reuni e data aki y e compania aki solamente ta procesa e data. Tambe el a splica den un declaracion por escrito cu e cliente ta e controlador di e data y den e capacidad aki, ta tuma e decisionnan y ta carga e responsabilidad pa cua ‘cookies’ ta ser implementa riba nan website. Segun e compania, clientenan tambe ta responsabel pa con nan ta colecta e data.
E clientenan cu ta haci uso di Adobe Experience Cloud, e programa central di SDBN su keho, tin e opcion di crea peticionnan di consentimento pa ‘cookies’ di acuerdo na leynan local segun Adobe. SDBN a admiti cu esaki ta informacion conoci caba pero tambe ta den desacuerdo cu Adobe su interpretacion.
Riba diaranson, Belastingdienst di Hulanda a anuncia cu nan a deshabilita cierto funcion cu e gigante Adobe como un precaucion. “Belastingdienst ta considera e proteccion di data personal sumamente importante. E servicio pa e motibo aki a pidi Adobe pa clarificacion tocante e uso di e ‘cookies’ nan aki manera describi den e articulo, sinembargo te ainda no a ricibi un splicacion,” e vocero a informa via email.
