(AP) – Federal Trade Commission (FTC) lo manda 5.6 miyon dollar na clientenan como parti di areglo cu Ring, cual a ser acusa di fayo den proteha videonan priva for di acceso di fuera.
Den keho di 2023, FTC a acusa e proveedor di camara di seguridad y seguridad di cas di permiti su empleadonan y contratistanan tin acceso na e clientenan su videonan priva. Ring aparentemente ta usa e videonan aki pa train algoritmo sin consentimento, entre otro cosnan.
Ring tambe a keda acusa di no implementa proteccionnan di seguridad clave, cual ta permiti hackernan tuma control di e cuentanan di cas, camara y videonan. Esaki a causa un “violacion grave di e usuarionan su privacidad,” FTC a nota.
Segun un aviso diamars, FTC lo haci 117,044 pago riba PayPal na clientenan impacta cu tin cierto tipo di dispositivo, incluyendo camara paden, durante temponan unda e reguladornan ta bisa cu acceso inautorisa a tuma luga.
Clientenan eligibel lo mester acepta e pagonan aki dentro di 30 dia, segun FTC, cual a agrega cu e clientenan por tuma contacto cu su administrador, Rust Consulting of riba e website di FTC tocante e topico pa mas informacion di e proceso.
Den un declaracion manda na The Associated Press, Ring a bisa cu hackernan a tuma e-mail y password cu a “ser horta di otro companianan pa drenta e cuentanan di Ring di cierto clientenan” cu ta usa e mesun informacion riba varios website den 2019, agregando cu e compania a lidia cu esaki rapidamente pa medio di notifica esunnan cu tabata “exponi na un tercer partido of incidente cu no ta directamente di Ring” y a tuma accion pa proteha e cuentanan afecta.
Ring no a atende inmediatamente e acusacionnan di FTC di empleadonan y contratistanan cu acceso na imagennan, cual ta fuera di ley.
