(AP) – Federal Trade Commission ta investigando Elon Musk su retironan en masse na Twitter y purbando di obtene su comunicacionnan interno como parti di un reviso andando tocante e compania su practicanan di privacidad y siguridad cibernetico, segun documentonan a describi den un reportahe na congreso.
FTC tin añanan ta vigila e compania desde cu Twitter den aña 2011 a firma un orden di consentimento algendo lapsonan di siguridad serio. Sinembargo e agencia su preocupacionnan a aumenta despues di Musk su adkisicion di e compania.
E comite hudiciario a publica parti di cartanan di FTC riba diamars como parti di un reportahe unda ta acusa cu e agencia tabata “actuando demasiado fuerte pa acosa Elon Musk su Twitter.”
E Cas a bisa cu e peticionnan a trata un cantidad di “peticion tocante decisionnan relaciona cu personal den cada un di e compania su departmanetonan, tur comunicacion relaciona cu Elon Musk y te hasta Twitter su interaccionnan cu reporteronan” ken Musk su ekipo a permiti mira algun email y mensahe di empleadonan.
E documentonan aki a ser yama “The Twitter Files” y tabatin intencion di mustra con e compania a tuma cierto decisionnan di modera contenido prome cu Musk a tuma e compania.
Den respuesta na e reportahe, FTC a bisa cu “proteha e clientenan su privacidad ta exactamente loke FTC ta haci. E no mester ta un sorpresa cu empleadonan di e comision ta conduciendo un investigacion profundo tocante Twitter su cumplimento cu e orden di consentimento cu a bini den efecto prome cu Musk a adkiri e compania.”
Twitter ya caba a paga 150 miyon dollar den penalidad den mei, mas o menos 5 luna prome cu Musk a tuma e compania, pa motibo cu a viola un orden di consentimento firma den aña 2011. Un version actualisa a establece proceduranan nobo cu e compania ta rekeri di implementa ademas di mehora e riesgonan di siguridad serio.
E tempo aki FTC a bisa cu “nan ta manteniendo bista riba e desaroyonan recien na Twitter cu preocupacion profundo.”
