FTA ta sostene apertura di refineria

Segun informacion publica anterior, cada biah ta mas cerca di un apertura di refineria, den e siman aki Citgo a bay di acuerdo pa converti refineria pa gas. Rudy Geerman di FTA ta spera cu e dianan cuminsa cana mas liher pa habri e porta di refineria, pasobra esaki lo yuda nos economia hopi, si mira cu turismo so no por carga e peso di nos debenan, segun Masnoticia.

E ta sigui bisa cu tur suerte of odds ta na banda di pais Aruba pa e refineria ey y esey a bin ta bisa pa basta tempo caba. Venezuela tin pata pata di petroleo. Nos refineria a wordo traha basa riba e crudo pisa ey. Tin un demanda enorme di petroleo y ta spera cu tur cos ta bay den bon direccion caminda cu lo por habri e refineria bek. Esaki lo trece den e caso aki mas hende na trabao y tambe e salario cu ta wordo paga ta halto, consecuentemente e trahado tin p’e y su famia. Economia pa locual ta e negoshi na San Nicolas ta haya un bida y di un otro parti e contratistanan ta haya trabao. Gobierno ta haya su fair share. Cu un refineria asina e efecto economico ta rapido cu por spera cu por haya un spin effect. Ta spera solamente riba e dia cu oficialmente cu e apertura lo wordo anuncia.
Ta wordo papia cu e no ta bay ta mesun grandi cu Valero cu nos conoce. Riba esaki, Geerman no ta mira con e ta bay bira mas chikito. Mester mira prome kico ta e intencion. Kisas nan lo mester coy e crudo pisa y garne un poco y refin’e pa algun biaha y mande otro pais, entre otro Corsou. E manera cu e ta bay wordo opera, mester mira. Ta basta prematuro pa saca un conclusion si e ta bay ta mesun grandi of no. Geerman ta di opnion cu e efecto cu e ta haci riba e economia ta grandisimo.
Den otro situacion, mirando e otro problema den otro sectornan, apesar cu entre otro manera hotel, locual cu ta negociacionnan por a ripara cu ta bayendo bon. Den otro luganan tambe, pero tin algun sector cu ta dificil. Tin algun sector cu aña habri por ripara cu kisas no lo por firma un CAO, sin extension sin un aumento. Kisas cu un lumpsum. Sinembargo si wak bon, e mayoria di CAOnan cu a negosha na e momentonan ki, y pa e aña aki, tin casi 18 pa 20 CAO cu lo mester wordo negosha. Toch ta mira un parti positivo caminda cu e mayoria lo disfruta di un aumento directamente di un salario y mehora algun condicion secundario, Geerman a splica.