Ayera tardi, FTA a logra e mayoria di voto cu ley di referendum ta exigi pa representa sindicalmente e trahadonan na servicio di un compania. E biaha aki ta trata di e trahadonan di Aruba Industrial Services (AIS).
E tabata un referendum relativamente chikito, caminda un grupo di 21 trahadonan tabatin derecho di vota. Mediador di Gobierno, Anselmo Pontilius a declara na Bon Dia Aruba cu di e total di trahadonan aki, nuebe (9) di nan a vota pa niun sindicato. Mientras cu 12 a vota pa sindicato FTA.
Segun ley di referendum e mayoria ta wordo determina dor di mita plus un di esunnan cu tin derecho di vota. Kiermen FTA a haya net e mayoria. AIS ta un compania cu ta duna servicio ariba tereno di ekiponan pisa.
