Corte den Prome Instancia di Aruba a dicta sentencia ayera den e caso cu FTA a entama den nomber di un grupo di trahado di ex Aura Casino. Hues a rechasa e peticion di e sindiacto y FTA a indica cu lo apela e sentencia.
E sindicato ta representa e grupo di trahado cu no a acepta e areglo di apenas cuater luna di salario cu e operador nobo di e casino, esta Liv Casino a ofrece na nan. Den e caso aki, FTA a pidi corte pa declara Liv Casino responsabel pa pago di e salario di e trahadonan, esaki di acuerdo cu e famoso articulo 1615dc di buki 7a di e Codigo Civil di Aruba. Sinembargo Corte a rechasa e ora e peticion.
Sindicato FTA ta bisa cu nan no ta satisfecho cu e veredicto y lo apela e decision aki na Corte Comun di Husticia. Mañan Bon Dia Aruba lo bin cu mas informacion relaciona cu e caso aki.
Nota: E potret aki ta di manifestacion cu tabata tin na 2016, organisa pa ex trahadornan di Aura Casino
