Ayera durante conferencia di prensa di gobierno, a informa cu nos frontera lo cuminsa habri, di forma gradual, cuminsando dia 15 di juli proximo.
Gobierno a anuncia cu lo habri nos frontera gradualmente cuminsando 15 di juni cu Bonaire y Corsou. Entrante 1 di juli nos frontera lo ta habri pa Europa, Canada y Caribe. Pa e area di Caribe tin excepcion pa Republica Dominicana y Haiti.
Pa dia 10 di juli, nos frontera lo ta habri pa vuelonan cu ta bin for di Merca cu ta nos principal mercado turistico. Nan a midi e factor di riesgo di cada pais di cada region y nan lo sigui monitor e desaroyo di e virus. E grado di recuperacion di turismo ta gradual. Na inicio lo ta 2 mil bishitante pa siman durante juni. Nan ta evaluando un aumento gradual di bishitantenan.
Tur persona cu bin Aruba lo mester pasa test, tanto bishitante como local.
ATA lo anuncia na nan socio den exterior e apertura gradual pa bishitantenan bin Aruba, segun programa.
Mientras cu Centro America y Sur America lo permanece cera.
E ta un refleho di e situacion cu e paisnan di e region aki ta pasando aden cu e pandemia di Covid-19.
