(AP) – Magistradonan Frances a entrega acusacionnan preliminar contra dos ciudadano Chino y dos otro persona Frances den un investigacion tocante un proveedor di Chip lider ken su tecnologia avansa cu posibel usonan militar a keda trafica pa China y Rusia, evadiendo sancionnan y controlnan di exportacion.
E investigacion contra Ommic, un fabricante di semiconductor di e region di Paris cu awo ta den mannan Mericano, a ser lansa pa Francia su servicio di persecucion nacional cu ta specialisa den casonan cu ta trata plamamento di arma. E investigacion aki ta lidera pa e magistradonan cu ta investiga exportacion ilegal, falsificacion y otro crimennan cu ta sospecha segun un oficial Hudicial ken a papia bao condicion di anonimidad a causa di leynan di secrecia cu ta cubri e investigacionnan cu e magistradonan ehecuta.
E oficial en cuestion a confirma y comenta cu e 4 personanan aki, di kende 2 ta Frances y 2 ta Chines, tin desde maart bao investigacion formal. Esaki ta nifica cu e magistradonan ta considera cu tin evidencia considerabel di e crimennan potencial pero kier mas tempo pa por investiga e caso.
