(AFP) – Francia ayera a bisa cu un plan pa un tregua di un luna entre Rusia y Ucrania lo test e compromiso di Moscu pa stop e guera cu a cuminsa cu su invasion na 2022.
Un dia despues cu lidernan Europeo a rally rond di Ucrania na un cumbre na Londres despues di un disputa den Cas Blanco entre presidente Mericano, Donald Trump y presidente Ucraniano, Volodymyr Zelensky, minister Frances di Exterior, Jean-Noel Barrot tambe a adverti cu e “front line” Ucraniano “ta keda yega mas cerca di nos.”
Presidente Frances, Emmanuel Macron a bisa despues di e combersacionnan na Londres cu Francia y Reino Uni ta proponiendo un tregua di un luna na Ucrania, “den aire, riba lama y riba infrastructura di energia,” aunke sin cubri, al menos inicialmente, bataya riba tera.
Barrot a bisa cu un movida asina “lo permiti proba e bon boluntad di (presidente Ruso) Vladimir Putin si e compromete na un tregua.”
“Y ta e ora e negociacionnan real di paz lo cuminsa. Nos kier un paz solido y un paz duradero,” el a bisa radio France Inter.
Den un fase inicial, e ta “un manera pa verifica cu Rusia ta dispuesto pa caba e guera aki,” Barrot a bisa, enfatisando cu no ta imagina ningun retiro di trupa Ruso riba tera durante e tregua.
‘Riesgo di guera na Europa’
Mientras cu e presencia di Macron na e cumbre di Londres convoca pa prome minister Britanico, Keir Starmer a pone e cooperacion Franco-Britanico den centro di e buskeda pa paz, minister Britanico di forsanan arma, Luke Pollard a bisa cu “no a haci ningun acuerdo riba con un tregua ta mustra.”
“Pero nos ta trahando hunto cu Francia y nos aliadonan Europeo pa mira loke ta e caminda pa con… nos por crea un paz duradero na Ucrania,” Pollard a bisa Times Radio.
Papiando den condicion anonimo, un oficial di gobierno Britanico a agrega: “Tin varios opcion riba mesa, suheto na mas discusion cu partnernan Mericano y Europeo, pero un tregua di un luna ainda no a keda acorda.”
Friedrich Merz, e politico derechista eligi pa ta e proximo canciyer Aleman despues di eleccion luna pasa, mientras tanto a gradici Starmer pa su “liderazgo den trece un paz duradero y husto” pa Ucrania. “Nos mester keda uni den nos meta pa caba e guera di agresion di Rusia,” el a agrega riba X.
Contestando pregunta di France Inter tocante acusacion di Trump cu Zelensky ta “gambling cu Tercer Guera Mundial,” Barrot a reconoce e peliger cu e conflicto lo plama.
“Nunca antes e riesgo di guera na Europa, den Union Europeo, tabata asina halto… e menasa ta keda bin mas cerca di nos, e front line ta keda bin mas cerca di nos,” el a bisa.
“Pa caba e guera di agresion Ruso na Ucrania, nos kier pa Merca, mediante presion, por trece Vladimir Putin na e mesa di negociacion y bay di acuerdo pa pone un fin na su ambicionnan imperialista cu a move e front line mas y mas cerca di cas,” Barrot a agrega.
