Francia lo introduci un cobransa nobo riba ticket di avion na cuminsamento di otro aña. Lo uza e ingreso genera pa financia alternativa ecologico, segun ministro di transporte, Elisabeth Borne, a bisa.
Ecotax lo costa 1.50 euro y 18 euro, e lo wordo aplica pa mayoria di vuelo cu ta sali for di Francia. Cu excepcion biahe nacional den teritorio di Corcega y Francia, tambe lo aplica na esunnan cu ta pasa conexion na Francia.
E ecotax no ta conta pa esunnan cu ta yega na e pais. Accion di Air France/ KLM y aerolinea economico EasyJet y Ryanair a cay despues di cu activistanan di medio ambiente ta sostene cu e industria di aerolinea mester baha nan emision di gas cu ta causa cambio climatico, pa combati esaki.
Segun Borne, biahe nacional y Europeo lo tin un impuesto di 1.50 euro pa ticket economico y 9 euro pa clase ehecutivo. E impuesto ta subi na 18 euro pa biahe di negoshi pafo di Union Europeo.
Ta spera cu e impuesto di Francia lo genera 180 miyon na 2020 pa inverti den infrastructura di transporte ecologico, incluyendo trein. E idea ta similar na un cu ex president di Francia Jacques Chirac, a bisa cu lo destina e ingreso na asistencia na pais den pobresa.
Alemania, Italia y algun otro nacion tambe tin impuesto di entrada. Otro pais Europeo ta pone presion pa baha impuesto di gasolin pa aerolinea di Europa.
