(AP)—Un corte Frances a condena ayera Marine Le Pen di malversacion y a prohibie di traha den e oficina publico pa cinco aña—un golpi na e speransa di e lider derechista pa e posicion presidencial y un teremoto pa politica Frances.
Le Pen a denuncia e veredicto den un entrevista cu canal Frances TF1 como un movida “politico” contra dje pa prevenie di participa den e eleccion presidencial di 2027 y a bisa cu miyones di hende Frances “ta frustra.”
El a describi e huicio como un veredicto di e regla di ley, a bisa cu e lo apela y a puntra pa e procedementonan tuma luga prome cu e campaña di 2027. E lo keda ineligible pa ta candidata te ora cu duna huicio riba e apelacion.
Le Pen tambe a haya un sentencia di cuatro aña den prison, cu dos aña pa ser sirbi bao detencion domiciliario y dos aña suspendi—cual no lo aplica e apelacion pendiente.
E huicio di corte tabata un temblor politico y hudicial pa Francia, strobando un di e candidatonan pa sucede presidente Emmanuel Macron na fin di su segundo y ultimo termino. Asina amplio tabata e consecuencianan politico cu hasta algun oponente di Le Pen a bisa cu e corte a exagera.
Pero ta demasiado trempan pa bisa con e caso lo afecta votadornan. E posible eliminacion di Le Pen por frustra simpatisadornan, manera e problemanan legal di presidente Mericano Donald Trump a motiva algun di dje. Pero e huicio aki por pusha Le Pen na banda, kibrando e trayecto cu el a crea durante su carera politico.
E sentencia por preveni Le Pe di haci kico lo ta su di cuatro recorido pa e presidencia den 2027, un scenario cu el a describi anteriormente como un “morto politico.” E figura mas reconocible di e partido derechista y un campañador fuerte, Le Pen tabata runner-up di Macron den e eleccionnan presidencial den 2017 y 2022, y e sosten electoral di su partido a crece den e ultimo añanan.
Un huicio di apelacion cu ta anula e prohibicion riba oficina publico por restaura su speransanan di participa. Pero cu e eleccion apenas dos aña leu, tempo ta cabando. No tin garantia cu un corte di apelacion lo duna un huicio mas faborable, y apelacionnan den Francia por tuma varios aña pa conclui.
E veredicto tabata un derota pa e partido National Rally di Le Pen, conoci anteriormente como e National Front. E y 24 otro oficial a ser acusa di usa placa originalmente aloca pa e ayudantenan parlamentario di Union Europeo pa paga personal cu e traha pa e partido entre 2004 y 2016, violando e regulacionnan di e bloc.
E hues a duna veredictonan di culpabilidad na ocho otro (ex) miembro di su partido ken, manera Le Pen, a sirbi anteriormente como legisladornan den e parlamento Europeo. Tambe condena tabata 12 hende cu a sirbi como ayudantenan parlamentario y tres otro. Solamente un acusado a keda absolvi. Tur a nenga cualkier actividad ilegal durante e huicio di nuebe luna cu a tuma luga fin di 2024.
