Den cuadro di posibilidadnan cu ta existi traves di fondonan na Union Europeo, fraccion di MEP a reuni cu directie di Club Kibrahacha. Nos a keda hopi impresiona di locual tur club Kibrahacha ta brinda na nos grandinan.
Club Kibrahacha
Nan ta brinda actividadnan riba diferente tereno, manera arte, agricultura, movecion fisico, tecnologia y innovacion. Na aña 2019 club Kibrahacha a haya 7394 bishitante y nan ta conta cu 281 miembro. Esaki ta un crecemento di respectivamente 26% bou bishitante y 9% bou miembresia, compara cu 2018.
Ta premira cu esaki lo sigui crece e temponan nos dilanti. E motor tras di nan operacionnan y actividadnan cu nan ta brinda ta nan boluntarionan. Club Kibrahacha ta conta cu 34 boluntario cu ta e ingrediente tras di nan exito.
Plan pa futuro
Kibrahacha ta traha hunto cu Universidad di Aruba, pa haci investigacion pa asina por bin cu proyectonan bon pa nos grandinan.
“Mi ta inclui” por ehempel lo bira un proyecto caminda ta involucra nos grandinan cu ta isola bek den nos comunidad. Pero tambe otro proyectonan den cual lo involucra “young professionals” ta forma parti di e plan integral pa 2019-2025.
Pa conclui
Lo ricibi e plan di vision for di Director di club Kibrahacha y lo presenta esaki na colega sr. Eddy Paris na Hulanda. Asina traves di Parlamentario Europeo sra. Samira Rafaela, lo explora posibilidadnan pa fondo na Union Europeo
