Desde inicio FPNC tabata tin como mente manera tambe ta ser describi den e Statuto FPNC ta pa trece alivio pa nos clientenan den necesidad y pa contribui na solucion nan duradero FPNC den su vision ‘Alimentando Prosperidad’ ta traha riba un maneho cu ta enfoca riba participacion y integracion di su clientenan den comunidad. Pero tambe participacion di boluntarionan, partnernan, dunadonan y henter comunidad pa asina yuda esnan di menos recurso integra tambe.
FPNC pa medio di stimula autosuficiencia y participacion di e cliente kier yega na solucionnan duradero , pa asina tur hende por ta un miembro activo den nos comunidad. Cada persona tin un granito pa aporta. Ademas FPNC ta yuda crea un confianza propio cerca su cliente pa logra nan metanan nan dilanti y trece solucion na su situacion actual.
Conforme cu nos statuto, FPNC kier amplia su servicio den futuro cercando bou di guia di profesionalnan di FPNC cu lo ;
- Guia personal di trahado social.
- Un programa di integracion di su clientenan cu e meta di e programa aki ta pa sostene e cliente pa alcansa su independencia financiero mas pronto posibel pa medio di training, coaching y guia personal den cual tin hopi atencion pa talentonan personal, actitud, cooperacion y responsabilidad propio.
- Participacion na trabao boluntario pa FPNC. Pues cada cliente lo ta un boluntario tambe y asina aporta (na su forsa) pa yuda su mes y otronan.
4. Training basico di Consumo, Guia di con pa anda cu poco placa, rebaha gasto/ debe.
5. Trayecto di siña y traha pa logra nan propio independencia financiero. Den un tayer social clientenan lo labora y alabes siña/ practica diferente ofishi basa riba nan mesun talento y competencianan. Di e forma aki aumenta nan posibilidad riba mercado laboral como tambe nan independencia laboral.
6. Trayecto di Curriculum Social. Clientenan lo ser getest riba talentonan y competencianan y lo sali di e trayecto cu un CV social den cual nan competencianan y talentonan lo ser describi habriendo asina nan chens riba mercado laboral.
Banda di esaki FPNC kier logra su independencia y un stabilidad financiero pa asina por keda yuda esnan di menos recurso a largo plaso. E reto mas grandi di FPNC ta pa logra e edificio pa por garantisa servicionan a largo plaso. E edificio unda FPNC su Kringloop winkel ta situa su contracto ta caba fin di Juli anto e doñonan ta desea di bende esaki. FPNC a ser ofreci pa cumpra e edificio pa AWG.170.000,– .
Organisando e Radiothon awor dia 1 y 2 di Juli FPNC ta spera di por conta cu apoyo di sector priva como tambe esanan cu por yuda cu un donacion pa logra cumpra e edificio den Emmastraat. FPNC ta haci un suplica na e pueblo Arubano pa acudi dia 1 y 2 di juli masalmente riba e Parkeerplaats di Palm Beach Plaza pero mas importante si por contribui na e bon causa aki pa asina FPNC por sigui yuda esnan di menos recurso den nos comunidad. Por ultimo FPNC kier a gradici tur medio di comunicacion como tambe tur e partnernan, musico y bandanan cu a join a causa aki pa yuda FPNC.
Pa sigui duna ayudo na nos clientenan ta solamente posibel cu ayudo financiero di esnan cu si tin espacio den nan entrada. FPNC semper a sali for di e punto di bista cu ta comunidad mes ta esun yama pa yuda comunidad. Un pakete di cuminda pa un famia di 4 persona ta costa nos alrededor di AWG 50,- Pues bo aportacion ta hopi necesario pa por sigui brinda nos servicio di forma structural. E bon ciudadano por contribui pa medio di un donacion (mensual) cuminsando na 5.00 luna. Esaki por ser haci via e administracion di salario di bo doño di trabao of via un “standing order” na e banco di preferencia. Pa e comerciante cu curason su donacion entre 100,00 y 500,- florin via un “standing order” na e banco di preferencia cu por ser deduci di belasting na final di aña. FPNC hunto cu bo (negoshi) por yuda sostene nos cliente pa para riba nan pia y recupera e satisfaccion den bida y participa activo den nos comunidad. Bo donacion ta haci e diferencia!
Pa mas informacion di con por haci donacion of sea bira un boluntario por tuma contacto cu FPNC na 588-0002. Tambe por pasa na nos oficina na Emmastraat 16.
