E siman aki informacion a sali cu tin hopi mas cliente di WEB cu tin cuenta di awa atrasa: mas o menos 12.000 of 30% di tur cliente di e compania di awa. Segun NoticiaCla esaki ta un triplificacion. WEB lo bay mara un carta di advertencia na e meternan di e clientenan aki for di diasbra. Nan mester paga nan debenen dentro di 48 ora pa evita cu lo cera meter.
Pero tin un cantidad (cuanto no ta cla) di e clientenan aki, cu no tin un retraso pues nan a paga nan cuenta. Sinembargo ta keda sali riba e cuentanan cu nan tin un suma habri. Segun WEB esaki ta debi na e problemanan cu conexion cu e sistema di Elmar. WEB ta indica cu no por verifica esaki y ta pidi pa e clientenan aki pa pasa cu prueba di pago na loket na Balashi.
