(AP) – Un fotografo cu a traha pa Megan Thee Stallion a bisa den un demanda diamars cu el a ser obliga wak mientras e tabatin relacion sexual, a keda despedi pronto despues y a ser abusa como su empleado.
Den e demanda otorga na Los Angeles Superior Court, Emilio Garcia a bisa cu despues di a sali un anochi na Ibiza, Spaña den aña 2022 e tabata den un SUV cu e cantante ora cu el a cuminsa tin relacion sexual cu un otro muhe banda di dje. E no por a sali di e vehiculo andando, y lo a keda pega den medio di caminda den un pais stranhero si e haci esaki. Garcia a sinti “bergonsa y ofendi durante henter e incidente,” segun e demanda.
Alex Spiro, Megan su abogado, a bisa cu e lo lucha e caso aki den corte. “Esaki ta un demanda pa placa. Sin un acusacion di acoso sexual y acusacionnan verbal pa purba laga su nomber na berguensa,” Spiro a declara.
E siguiente dia Megan a bisa Garcia pa nunca papia di loke el a mira y a ofende su persona, segun e demanda ta sigui acusa. E keho tambe a conta cu Garcia, ken ya caba a considera kita for di trabao pa motibo cu e tabata traha mas di loke e ta ser paga p’e den un ambiente laboral hostil hopi biaha empeora pa Megan su personalidad, tabata contrata como un contratista independiente pero trata como un empleado exclusivo.
Garcia a trece e topiconan aki dilanti den combersacion cu Megan y a keda despedi e siguiente dia despues di 4 aña ta traha cune segun e demanda. Desde e tempo aki el a entrega e keho di discriminacion di trabao cu California Civil Rights Department.
E demanda, reporta prome pa NBC News, ta nombra Megan, ken su nomber ta Megan Pete, su companianan Megan Thee Stallion Entertainment y Hot Girl Touring ademas di e compania bao cual e ta como artista Roc Nation. Un respuesta di defensa te ainda mester keda otorga. No tabatin un respuesta inmediato na un email pidiendo comentario di un representante di Roc Nation.
Garcia ta pidiendo compensacion financiero pa e danonan causa y pa determina esaki den huicio, acusando cu el a sufri ambos fisicamente y emocionalmente a causa di e maltrato na trabao, e despido y e escena cu e mester a mira den e SUV.
Megan, ken actualmente tin 29 aña di edad, anteriormente tabata involucra den un caso legal grandi y a pasa door di un tormenta di abuso online, como e victima di Tory Lanez, ken hurado a declara culpabel di a los tiro na Megan su pia den aña 2020. El a testigua na e huicio unda e hurado a condena Tory Lanez y a dun’e un sentencia di 10 aña den prizon.
Ya caba un artista sumamente popular, Megan a bira un di hip-hop su nombernan mas conoci desde e tempo aki. El a gana e Grammy pa Best New Artist den aña 2021 y e tabatin varios di su colaboracionnan den prome luga manera Savage cu Beyonce y WAP di Cari B.
