ORANJESTAD – A institui e Nationaal Centraal bureau Terrorismebestrijding, Veiligheid en Interpol (NCTVI) pa aporta na fortificacion di e siguridad di Aruba riba nivel strategico, pa medio di maneho riba e tereno di, entre otro, combatimento di terorismo y crimen cibernetico. Pa esaki, NCTVI ta un partner strategico den e dominio di siguridad.
Colaboracion y cooperacion cu tur partner den e dominio di seguridad di Aruba ta esencial. NCTVI ta poniendo enfasis riba establecimento di diferente procesonan cu varios institucionnan pa cu esaki.
Banco Central di Aruba ta un institucion di suma importancia pa e stabilidad financiero y proteccion di e sistema di pago di Aruba. Nan ta e institucion cu tin e tarea pa supervisa e sector financiero. Pa por mehora e defensanan riba tereno di terorismo y crimen cibernetico, y pa aporta na siguridad di Aruba den su totalidad, a formalisa un cooperacion mutuo entre NCTVI y Banco Central.
Como parti di e formalisacion di e cooperacion aki, a defini na ki manera e dos instancianan aki por traha hunto respetando, entre otro, e cuadronan legal di ambos institucion. Esaki ta sigur un muestra di e seriedad cu Banco Central tin pa cu e siguridad di Aruba.
Di parti di NCTVI, lo sigui corto plaso cu formalisacion di colaboracion cu otro partner den e dominio importante aki
