ORANJESTAD – Maria College nan tema di aña, ‘Maria gaat op reis’, ta nifica cu nan ta bay biahe, pero den futuro cu pasado. E scol, hunto cu docente di idioma, a bin cu iniciativa pa e muchanan de 2de, anto ta haya nan punto pa e 4 idioma cu ta haya na Aruba.

Den pasado, nan a splica cu pa henter aña escolar nan tin e tema, anto tur locual nan haci ta bay rond den e tema. E actividad lo tin un duracion di dos dia, pa cada mucha por logra pasa den e 4 idioma.

Cada alumno di klas 2 lo haya un buki cu ta manera un paspoort; cu esaki ta haya un guia. E gang di scol ta e aeropuerto, tin cuater klas unda ta representa 4 pais, Hulanda, Aruba, Spaña y Merca. Den cada scenario tin un suceso di pasado, anto nan tin un script cu nan mester lesa pa asina improvisa, y nan mester splica kico nan mester haci y dicon ta bin di futuro.

Nan ta splica cu docente, ora nan a studia na Hulanda, nan a wak con tabata realisa actividad asina cu e muchanan. Anto nan kier a haci e un manera interactivo cu e studiantenan, y cu nan por siña e parti con e tabata den bida real, anto tuma e concepto di antes.

Den pasado, segun docentenan di idioma di Maria College, tabata tin un scol cu tabata haci e actividad aki, di e manera a saca informacion pa tur e lenguahe cu nan ta haya den les. Nan ta splica cu pa organisacion ta tuma tempo pa planea varios scenario, y e studiantenan no sa kico nan lo spera sino e mesun dia.

Nan ta haya e informacion, anto wak e den bida real. Despues cu e mucha pasa den klas cu e docente, ta controla pa asina nan por haci evaluacion di nan punto ora e mucha ta papiando den e idioma cu e klas, ‘pais’, cu nan ta drenta aden.

Di e manera aki, e docentenan ta splica e nivel pa muchanan di 2de MAVO asina pa ora nan yega e ultimo aña, nan por ta miho prepara pa ora di haci nan presentacion, nan toets mondeling, ora nan tin cu lesa buki. Pa nan por tin un miho vocabulario.

E studiante ta drenta den e klas papiando e idioma di cual pais e klas ta representando, y ta manera di pasado, presente y futuro, cu diferente decoracion conoci den historia. E scol a scoge persona den comunidad pa asina e studiante por papia cu nan, y ta bira mas interesante con e tabata en realidad. Un entrevista cu nan por mantene un dialogo mientras cu docente ta anota. Di e manera ta splica cu ta saca e mucha for di nan zona y pa saca e miedo.

Pa finalisa, e docentenan di Maria College ta bisa cu e ta un manera creativo, anto e ta motiva e studiante pa asina tin mas smaak di siña, y un manera dibertido pa haya mas conocemento den idioma, y den con e pasado tabata ta, anto nan ta haya un punto tambe pa nan cp di idioma.