(Infobae) – Cu mas di tres aña desde cu el a wordo condena pa bida largo den un prison di siguridad maximo na Merca, Joaquin Guzman Loera, alias “El Chapo”, a manda un mensahe na e presidente Andres Manuel LOpez Obrador a traves di un di su abogadonan.
For di e prison ADX Florence, na Colorado, e capo di Sinaloa a solicita na su ex-defensor pa bay cu e mandatario federal y asina inform’e tocante e supuesto mal trato inhumano cu el a sufri for di momento cu el a wordo extradita na teritorio Mericano durante e mandato di Lopez Obrador, ademas di e presunto tortura psicologico cu e ta hayando den prison.
Di acuerdo cu su ex-abogado, durante e seis aña cu El Chapo ta deteni na Merca, “e no a wak e solo” y solamente a haya seis of shete yamada telefonico cu su abogadonan y famia.
Refugio Rodríguez su representante a detaya cu Guzman Loera a manda un carta na exterior y na cambio a haya tres. Igualmente, a haya di cinco pa seis bishita, a pesar cu ta conta cu un television, ta sigura cu su derechonan humano a wordo viola durante e tempo cu el a permanece den e prison conoci como “Alcatraz de las Rocosas”.
“Debi di esaki, Joaquin a pidi mi pa lucha pa su regreso pa Mexico” segun e abogado cu a defende Guzman Loera na 2016 durante su proceso di extradicion a señala.
Pa e motibo aki, e ta bay acudi na Secretaria di Relacionnan Exterior cu e finalidad di haci un planteamento cu fundamento legal pa su cliente bay back na su pais di origen.
