Manera ta conoci, Fundacion Snoop Doggy conhuntamente cu minister Ursell Arends encarga cu bienestar di animal a cuminsa reparti bukinan na scolnan pa loke ta trata maltrato di bestia, e dierenwelzjin material di les ta cla caba y esaki ta bay di kleuter te cu 6de klas, segun e mandatario mes a menciona.
Maneho Bienestar di Animal Aruba (MBAA) ta e prome maneho cu banda di prevencion ta enfoca riba cambio di e relacion entre e ser humano y e animal caminda Aruba lo tin su mesun Dierenwelzjin Wet, den e mesun maneho aki a informa cu ta bay introduci den curriculum di scolnan basico material di les e cual ta importante pa educa e muchanan y nan lo bira un ciudadano responsabel cu sa con por cuida mascota di un manera adecua.
E material di les pa scolnan ta un proyecto piloto cu lo cuminsa aña escolar 2024-2025 cu un grupo di scolnan unda muchanan ta bay haya les den colaboracion cu Fundacion Snoopy Dog activo for di aña 2023 e cual primeramente a reparti e buki “Snoop Doggy krijgt een huisje” cu tin como meta educa muchanan di 3de klas tocante cuido di mascota.
“Nos ta sumamente contento di por contribui cu e proyecto aki mirando cu educacion den e area di bienestar y cuido di animal ta algo cu nos ta trahando duro ariba dje. Den aña escolar venidero lo introduci material di educacion cu lo forma parti di e curiculo di scol cuminsando di kleuter te cu 6de klas pa siña nos muchanan kico ta nifica sea un doño di mascota responsabel.” Fundation Snoop Doggy a señala.
Snoop Doggy ta trata di e storia di un cacho na Aruba cu a nace den un shelter, e buki ta skirbi na Hulandes y traduci na Papiamento, e cual tin e meta ta pa conscientisa mucha riba cuido di cacho ta pa tempo largo y cu tur cacho mester un cas, un famia, cuido y amor.
Potrenan ta di Facebook page di Fundation Snoop Doggy.
