(AP) – Un panel di consehero di Merca riba diamars a promove uso di vacuna di Pfizer contra COVID-19 den muchanan chikito, cual ta hiba e pais mas cerca di cuminsa cu vacunacion di muchanan di edad 5 pa 11 aña di edad.
E Food and Drug Administration su panel di consehero a vota unanimamente cu un abstencion, cu e vacuna su beneficio den prevencion di COVID-19 den e grupo di e edad aki ta sobrepasa cualkier riesgo, incluyendo un efecto secundario relaciona cu e curason cual no ta hopi comun den hobennan y adultonan cu a ricibi un dosis hopi mas halto.
E Food and Drug Administration no ta mara na e panel su recomendacion y ta premira di tuma su mesun decision den e dianan binidero.
Si Food and Drug Administration aproba e vacuna den dosis di muchanan, te ainda tin otro paso cu mester tuma, otro siman, e Centers for Disease Control and Prevention lo mester dicidi si nan ta recomenda e vacuna y kendenan ta e personanan cu mester ricibi esaki.
Mientras muchanan ta den riesgo mas abao di malesa severo di COVID-19 cu hendenan adulto, muchanan di 5 pa 11 aña a enfrenta malesa substancial, incluyendo mas di 8,300 hospitalisacion reporta, cu mas o menos un tercer parti rekeriendo cuido intensivo y casi 100 morto.
E dosis pa muchanan chikito ta solamente un tercer parti di Pfizer su vacuna, cual ya caba ta recomenda pa tur hende di edad 12 bay ariba. Moderna tambe ta studiando su vacuna pa muchanan hoben.
