(AP) – Banco Central Europeo y otro creadornan di politica rond di Europa tin cu mantene averahe di interes na e nivelnan eleva te ora cu nan ta sigur cu inflacion ta bao control a pesar di su crecemento slow, Fondo Monetario Internacional (IMF) a bisa diaranson, advertiendo contra “celebracion prematuro” mientras inflacion ta baha for di su nivel mas halto.
IMF a bisa cu e costo di subestima inflacion su persistencia por ta sumamente halto y resulta den otro ronda doloroso di aumento den tarifanan cu por kita un parti grandi di e economia su crecemento. Banco Central Europeo. Banco di Inglatera y otro banconan central cu no ta parti di e eurozone di 20 pais ta “yegando e nivel mas halto di nan ciclo di tasa, mientras cu otronan a cuminsa reduci e tarifa,” segun IMF a informa den su bista economico regional pa Europa. “Sinembargo, un posicion di restriccion prolonga ta necesario ainda pa sigura cu inflacion ta keda bay atras y no bolbe back dilanti.”
Historicamente, e ta un averahe di 3 aña pa inflacion bolbe back na nivelnan mas abao, mientras cu algun campaña anti-inflacion a tuma mas tempo cu esaki segun IMF. Mientras cu banconan central aparentemente a caba nan serie di aumento, un fracaso den caba cu e trabao y resulta den un regreso na aumento di tarifa por tin costo sumamente halto. Alfred Kammer, director di IMF su departamento di Europa a adverti contra “celebracion prematuro” mientras cu e tabata papia cu reporteronan en conexion cu e bista economico aki.
IMF a informa tambe cu Europa ta na caminda pa “un aterisahe leve” despues di e impacto di e aumento den tarifanan y no ta premira cu lo tin un recesion, mientras cu pronostico di crecemento ta permanece incierto y por termina of miho of pio di loke ta spera.
