(CuraçaoChronicle) – Cantidad di casino online ta activo na Corsou. E isla tin mas di 12mil website di casino pa wega di placa y sport. Esaki ta cuarenta porciento di e suministro global no-regula.
Follow The Money (FTM) ta skirbi esaki den un articulo extenso riba nan website. FTM ta un plataforma periodistico. Nan ta skirbi mensahenan transparente y ta investiga e berdad door di investiga hende, sistema y organisacionnan cu tin mal comportamento.
“Corsou tin e posicion aki pa motibo di su tarifanan abao di impuesto, bon cable di internet y warehouse di servernan”, segun Follow The Money. Gobierno no ta parce di por haci nada pa controla e sector. Expertonan di Hulanda ta pone presion door di impone condicionnan riba sosten financiero. Gobierno di Hulanda awo ta purbando esaki a cambio di sosten di corona.
Husticia Hulandes a lanta cinco homber y un muhe for di cama na juni pasobra nan tabata involucra den casinonan popular, Oranje Casino y Koon Casino te cu 2014. Door di ofrece weganan di placa, e grupo lo a gana 250 miyon euro.
Follow The Money tin un lista di Vixio, cu ta contene 150mil domain name di casinonan cu ta riba lista preto na un caminda na mundo desde 2017. E cifranan aki ta mustra cu 38.5 porciento di e oferta di wega di placa no regula cu por track ta ubica na Corsou.
E organisacion ta reporta cu e casinonan online hopi biaha no ta ehecuta chekeonan di edad of deliberadamente ta enfoca riba adolescentenan. Tambe ta sospecha cu ta usa nan pa labamento di placa. Ministerio Publico a vincula e website di wega di placa ilegal, Edobet, na e organisacion criminal na Den Haag di e criminal di droga Piet S. Enkele. Ex-futbolista Dirk Kuyt lo a pusta miles di euro riba esaki.
