Dialuna Fondo Monetario Internacional (FMI) a anuncia cu recuperacion economica na America Latina lo ta “mas floho”, na comparacion cu meta cu nan tabata spera. Esaki ta como resultado di e incertidumbre cu Donald Trump, presidente di Merca a proyecta cu tur su cambionan tocante na politica comercial y migratorio. FMI a afirma cu region di Latino America lo crece na 2017 un 1.2%, e cifra ey ta ekivalente na 0.4% menos di stimacion pa e aña aki. E causa ta caida di economia na Brasil y proyecto cu Trump a trece, cu un plataforma nobo relaciona cu politica anti-globalisacion y proteccionista. Mexico ta e pais unda stimacion a cay mas, pasobra a alcansa un 0.6% di crecemento so, te ora cu a ubica Mexico su crecemento na 1.7%. Brasil ta stima pa crece un 0.2%, esun ta ekivalente a un 0.3% di meta pa e pais aki. Di otro banda Venezuela ta considera como un pais cu ta registra un caida di 6%, ekivalente na 1.5% mas na relacion cu e prevision cu economista tabatin riba Venezuela.
Fondo monetario a ahusta tambe di manera negativo tur su expectativa na Argentina, unda nan a raporta un crecemento di 2,2 %. E balor aki ta un 0.5% menos di cifra cu tabata stima pa Argentina. Diferente situacion ta pa Chile y Perú, pasobra nan a stima cu nan crecemento a aumenta riba nan expectativa, cu 2,1% y un 0,2% respectivamente. Chile y Peru ta paisnan cu ta lidera e region di latino America cu un crecemento di 4,3%.
