Celebracion sin fin di cumpleaños di Floyd Mayweather a yega Aruba. Despues cu Page Six a reporta cu e campeon tabatin un fiesta na Fort Lauderdale y otro na Miami – cu polis mester a stop – como tambe un fiesta riba un yate, un na un mansion riba Star Island y un cena grandi, tur pa celebra su di 44 cumpleaños, a resulta cu Mayweather tambe a move e celebracionnan pa Aruba.
Un fuente riba nos isla a bisa: “E tabatin un fiesta riba beach [diaranson], un dia prome cu el a tuma over un isla priva chikito y [diahuebs anochi] a tuma over un club.”
A reporta cu e leyenda di boxeo – cu ta parce di tin intencion pa compensa pa tur e fiestanan cu mundo no a celebra durante ultimo aña riba su mes – tin ‘cantidad di muhe aya’.
Ademas a reporta cu e ta kedando den un di e un grupo di hotelnan di luho cu bista di lama riba e parti nort di nos isla, cu ta inclui Ritz-Carlton y Marriott. Sorprendentemente pa un adulto, aparentemente e bacchanal internacional tin un titulo: e ta yama ‘The Floyd Mayweather Birthday Experience’.
Representantenan di Mayweather no a contesta un peticion pa comentario.
