FILE - OceanGate CEO and co-founder Stockton Rush speaks in front of a projected image of the wreckage of the ocean liner SS Andrea Doria during a presentation on their findings after an undersea exploration, on June 13, 2016, in Boston. Rescuers in a remote area of the Atlantic Ocean raced against time Tuesday, June 20, 2023, to find a missing submersible before the oxygen supply runs out for five people, including Stockton, who were on a mission to document the wreckage of the Titanic. (AP Photo/Bill Sikes, File)

(AP) – Luchando contra tempo riba lama, un armada internacional cada bes mas grandi di barco y avion a busca ayera pa e submarino cu a disparce den Atlantico Nort mientras tabata hiba cinco persona na e restonan di e barco Titanic.

Oficialnan di wardacosta Mericano a bisa cu e buskeda a cubri 26mil km2 pero no a haya ningun señal di e submarino perdi, conoci como Titan. Maske tabatin plan pa sigui busca, tempo ta cabando pasobra e barco tin menos cu dos dia di oxigeno restando.

“Esaki ta un buskeda hopi complica,” segun capitan Jamie Frederick di Prome Districto di Wardacosta na Boston a bisa durante un conferencia di prensa. Frederick a bisa cu e tripulacion tabatin como 41 ora di oxigeno restando te cu merdia di ayera. El a agrega cu un robot bao awa a cuminsa busca den cercania di Titanic y cu tabatin un empuhe pa hiba ekipo di rescate na e escena en caso cu haya e submarino.

Tambe a usa tres C-17 di ehercito Mericano pa move un submarino di un compania comercial y ekipo di sosten for di Buffalo, New York pa St. John’s, Newfoundland, pa yuda den e buskeda, segun un vocero pa Comando di Mobilidad Aereo Mericano.

Autoridadnan a reporta cu e submarino di carbon-fiber tabata laat diadomingo anochi, dunando inicio na e buskeda den awa como 700km sur di St. John’s. Abordo tabatin un piloto; e conocido aventurero Britanico, Hamish Harding; dos miembro di un famia comercial iconico Pakistani; y un experto di Titanic.

E submarino tabatin un suministro di 96 ora di oxigeno ora el a bay den lama pa 6am diadomingo, segun David Concannon, consehero di OceanGate Expeditions, cu a supervisa e mision. Esey ta nifica cu e suministro di oxigeno por caba mañan mainta.

Periodista di CBS News, David Pogue, kende a biaha na e Titanic abordo di Titan aña pasa, a bisa cu e vehiculo ta usa dos sistema di comunicacion: mensahe di texto cu ta bay bin na un barco riba superficie, y pingnan di seguridad cu ta emiti cada 15 minuut pa indica cu e submarino ainda ta trahando. Ambos sistema aki a stop como un ora y 45 minuut despues cu e Titan a bay bao awa.

“Esaki por nifica dos cos. Sea nan a perde tur coriente, of e barco a desaroya un kiebra y a collapse instantaneamente. Ambos ta devastador,” Pogue a bisa CBC diamars.

E submarino tabatin siete sistema di backup pa bolbe na superficie, incluyendo saco di santo y tuberia di chumbo cu ta cay afo y un blaas inflable. Un sistema ta diseña pa traha hasta si tur hende abordo ta inconsciente, Pogue a bisa.