(AP)—Fiscalnan na Merca ta urgiendo un hues pa sostene e conviccion di pago di silencio di Trump, argumentando den documentonan di corte publica ayera cu e veredicto mester ser sosteni a pesar di e huicio recien di e corte supremo riba inmunidad presidencial.
E oficina di fiscal di districto na Manhattan a bisa den un file entrega na corte cu e opinion di e corte halto “no tin revelancia” riba e caso di pago di silencio y no ta apoya e descartamento di e veredicto unanimo di e hurado of e descartamento di e caso mes.
Fiscalnan a bisa cu e abogadonan di Trump no a logra adresa e asunto di inmunidad na tempo y cu, asina mes, e caso no ta envolvi actonan inoficial—hopi di cual relaciona na eventonan prome cu su eleccion—cu no ta suheto pa inmunidad.
Abogadonan pa e ex-presidente y actualmente nominado republicano ta purbando pa tin e veredicto—y hasta e acusacion—descarta pa via di e decision si e corte supremo dia 1 di juli. Esaki a duna e presidentenan proteccion for di persecucion.
E huicio a bin aproximadamente un luna despues cu un hurado a haya Trump culpable di falsificando documentonan empresario pa sconde un trato pa paga actriz pornografico Stormy Daniels net prome cu e eleccion na 2016. E tempo ey, el a considera publica un storia di un encuentro sexual na 2006 cu Trump, ken a bisa cu esey no a pasa. El a nenga cualkier acto incorecto.
E tabata un ciudadano priva ora su abogadonan a paga Daniels. Pero Trump tabata presidente ora e abogado a haya reembolso. fiscalnan ta bisa cu e reembolsonan ey a ser registra simplemente como gastonan legal den e historia di e compania di Trump.
E abogado, Michael Cohen, a testigua cu e y e presidente e tempo ey a discuti e areglo di reembolso den e Oval Office.
E abogadonan di Trump a argumenta cu e fiscalnan a pura e huicio en bes di warda pa e perspectiva di e corte supremo riba inmunidad presidencial, y cu e huicio a ser “mancha”
pa evidencia cu no mester a ser permiti bao e huicio di e corte halto.
Hues Juan M. Merchan ta plania pa dicidi riba e peticion di e abogadonan di Trump dia 6 di september. El a plania e sentencia di Trump pa dia 18 di september, “si esaki ainda ta necesario” despues cu e yega na su conclusionnan tocante inmunidad.
