(AP) – Fiscalnan di New Mexico no lo bay apelacion contra decision di corte pa retira e cargo di homicidio involuntario contra Alec Baldwin den e tiro fatal di e cinematografo den e set di e pelicula Rust, oficina di abogado di Santa Fe a anuncia.
Fiscal Special Kari Morrisey a retira e apelacion di e decision tuma na juli pa retira e cargo contra Baldwin despues di e asesinato di Halyna Hutchins. “Awe su decision di kita e apelacion ta e confirmacion final di loke Alec Baldwin y su abogadonan a bisa desde comienso – esaki ta un tragedia inmenso pero Alec Baldwin no a comete ningun crimen,” abogado di defensa Luke Nikas y Alex Spiro a comenta. “Husticia ta keda intacto na New Mexico.”
Representantenan di e procurador general di e estado no por a ser contacta.
E decision di retira e apelacion ta haci mas solido e decision di hues Mary Marlowe, tuma mita caminda di e caso, unda a retira e caso bao acusacion cu polis y fiscalnan a sconde evidencia for di e defensa. Baldwin su huicio a keda impacta pa revelacionnan cu municion a ser hiba Santa Fe su warda di polis pa un homber cu a bisa e por ta relaciona na e fayecimento di Hutchins. Fiscalnan a bisa cu nan a dicidi cu e municion no ta relaciona y nota importante, mientras cu Baldwin su abogadonan bisa cu e investigadornan a “dera” e evidencia den un documento di caso separa y a entrega un mocion exitoso pa descarta esaki.
E procurador general di e districto a bisa cu bao ley di e estado di New Mexico, e procurador general lo a sigui e apelacion pero “no tabatin e intencion di bay tras di e apelacion di parti di e fiscalia.”
