(Reuters) – Fiscalnan Sur Koerano a pidi un sentencia di 5 aña riba dialuna contra Presidente di Samsung Electronics Jay Y. Lee a causa di su accionnan den e adkisicion controversial di afiliadonan cu a yuda fortalece su control den un caso cu actualmente ta ser trata den corte di apelacion.
Lee a keda declara inocente den februari di fraude den accounting y manipulacion di bienes na Seoul Central Disctrict Court sinembargo e fiscalnan a apela e decision aki.
E audiencianan di apelacion, cual a caba dialuna, ta bini mientras Lee ta enfrenta preguntanan creciente tocante su habilidad di lidera Samsung, e creador di smartphone y chip di memoria top, mientras e ta lidia cu ganashi cu ta bahando y prijsnan di bienes cu ta bahando tambe.
Lee y otro ehecutivonan a ser acusa di crea un combinacion di dos afiliado di Samsung – Samsung C&T y Cheil Industries- den un manera cu a lidia di mal manera cu e interes di e shareholdernan minoria.
Den argumentonan di ciere, e fiscalnan di e estado a bisa cu LEe a actua den e union aki pa benefica su posicion personal como ldier de-facto di e conglomerado Samsung, bao sacrificio di e shareholdernan y inversionistanan. Lee y otro ehecutivonan a nenga e acusacionnan.
Lee, un lider di tercer generacion di Samsung Group, a ser critica y golpia durante e ultimo decada cu demandanan, sentencianan y atakenan a causa di e union den 2025 di e afiliadonan cu a yuda fortalece su mando, despues cu su tata a keda hospitalisa a causa di un atake di curason den 2014.
Si corte mas halto mantene e decision di e corte anterior, esaki lo yuda duna Lee mas poder pa maneha e pais su conglomerado mas grandi, al menos cu e fiscalia apela e decision na corte top. “Mi ta completamente altanto cu tin preocupacionnan grave tocante e futuro di Samsung recientemente,” Lee a bisa den su declaracion final. “E realidad cu nos a enfrenta ta desafio mas cu nunca,” el a bisa, primintiendo cu e lo logra surpasa e dficiultadnan y a pidi hues duna su persona un oportunidad pa reinventa Samsung.
Potret di Reuters
