Fiscal ta exigi sentencia pa bida largo contra sospechosonan di asesinato di Peter R. de Vries

(NLTimes) – Fiscalnan a recomenda cu e dos sospechosonan di e asesinato di Peter R. de Vries keda sentencia na henter bida den prison durante nan huicio riba diamars.

Ambos sospechoso a “renuncia na nan derecho pa libertad,” segun Public Prosecution Service (OM).

OM ta kere cu Delano G. di 22 aña ta e persona cu a ehecuta e asesinato, y Kamil E. ta e persona cu a transporta nan pa y for di Amsterdam. KAmil E. tambe aparentemente a ehecuta varios operacion di vigilancia preliminar prome cu e tiro. “Ambos G. y E. tabata completamente altanto di e trabao cu nan mester a haci,” e fiscal a bisa den un corte na Amsterdam riba diamars.

Te ainda no ta conoce un motibo pa e asesinato, sinembargo ta sospecha cu esaki tin di haber cu e rol di De Vries como consehero confidencial di Nabil B. ken ta e fiscal su testigo clave den e proceso extenso Marengo. “Esaki ta loke ta aparenta,” e fiscal a bisa. El a papia tocante “un atake particularmente alarmante” riba “un tercer persona asocia cu e testigo.” Den aña 2018, Nabil B. su ruman homber a ricibi tiro fatal, y un aña despues, un persona arma a asesina su abogado, Derk Wiersum.

“Sociedad ta enfrentando un realidad nobo di miedo y teror,” e oficial a bisa di e 3 asesinatonan. Pa medio di demanda un sentencia di henter bida, e kier manda “un mensahe sumamente cla.”

E proceso Marengo ta e nomber asigna na e huicio relaciona cu lider di gang Ridouan Taghi, su teniente top y varios otronan. Nan ta ser acusa di ehecuta varios asesinato, y sea atento of plan di varios otronan.

OM a bisa cu e asesinato di De Vries ta demanda castigo mas estricto bisando cu e tabata un homicidio cu ta consisti di e asesinato contrata di un “ciudadano completamente innocente.” E sospechoso a laga varios pregunta sin contesta pa medio di haci uso di nan derecho pa permanece den silencio of papia cu un limite. Ora nan a papia, e fiscalnan a acusa nan di gaña.

E caso lo continua dia 15 di juni, incluyendo argumentonan di e sospechosonan su abogadonan. Corte ta premira cu lo tin un veredicto dia 14 di juli. Si cada sospechoso ser declara culpabel, corte ta hopi probabel di anuncia un sentencia e mesun dia aki.