Durante fin di siman gobierno a implementa Toque de queda. Nos di Bon Dia a nota cu tabatin diferente video circulando riba rednan social di cuanto persona tabata riba caminda y cu den e prome anochi a polis a detene 31 persona pa motibo cu nan a kibra e medida aki.
Tabatin un situacion na unda cu tabatin hendenan den nan cura y polis a manda nan paden di nan cas, bisando nan no por ta riba veranda.
Aki ta unda cu Fiscal Yolanda Pronk ta splica cu algun polis no a compronde bon y aki ta unda cu el a splica esaki mas amplio.
Pronk a bisa cu un woning ta bo tereno cual ta bo cura di cas, habitantenan por move rond riba nan tereno, pero no por sali riba tereno publico.
Polisnan mester tene bon e medidanan , pa asina evita cu nan ta actua inapropia cu famianan cu ta den nan cura.
Pronk a bisa “ no ta un guera tin!” esaki ta un limitacion pa asina evita gruponan grandi riba caya y plama e virus. Pronk a bisa cu bo no mester cera bo curpa paden di cas tanten cu bo tan a cas y no riba caya durante e Toque de queda.
