Awe tabatin hopi speculacion riba e paradero di e Fiscal General di Venezuela, Luisa Ortega cu a bandona su pais di forma scondi pa scapa for di regimen di presidente Nicolas Maduro. Inicialmente a wordo bisa cu el a bay Mexico. Pero a bin resulta cu e fiscal aki cu a bira enemigo di e gobierno Chavista di presidente Maduro a bandona su pais via Aruba pa bay Bogota, Colombia. Autoridad di inmigracion di aeropuerto Eldorado di Bogota a informa cu Ortega a yega procedente di Aruba abordo di un vuelo priva. E vuelo tabata un avion Cessna matricula HK4304.
